Frumtamningar í sundlaug

„Við erum búin að fá nokkur þriggja vetra ótamin trippi í sundþjálfun í haust. Það kemur rosalega vel út. Þau temjast undrafljótt. Fá mikið traust á manninum. Þetta er greinilega mjög góður undirbúningur fyrir frekari tamningu,“ segir Jakob S Þórarinsson hjá Sundhestum.„Við erum búin að fá nokkur þriggja vetra ótamin trippi í sundþjálfun í haust. Það kemur rosalega vel út. Þau temjast undrafljótt. Fá mikið traust á manninum. Þetta er greinilega mjög góður undirbúningur fyrir frekari tamningu,“ segir Jakob S Þórarinsson hjá Sundhestum.„Við erum búin að fá nokkur þriggja vetra ótamin trippi í sundþjálfun í haust. Það kemur rosalega vel út. Þau temjast undrafljótt. Fá mikið traust á manninum. Þetta er greinilega mjög góður undirbúningur fyrir frekari tamningu,“ segir Jakob S Þórarinsson hjá Sundhestum.

„Þetta hefur verið nokkurs konar tilraunaverkefni hjá okkur í haust,“ segir Jakob. „Við höfum fengið trippi sem voru ekki einu sinni bandvön. Þau temjast á tveimur til þremur skiptum. Við látum þau ekki synda mikið. Kannski áttatíu metra á dag. Þau eru ekki hræddari við að fara í vatnið en fullorðnu og tömdu hrossin. Þau eru fljót að hænast að manninum og fá traust á honum. Það er svo mikil snerting sem fylgir þessu; þrif, þurrkun og önnur meðhöndlun.“

Jakob segir að samdráttur hafi orðið í aðsókn í hestasundið samfara kreppunni. Vetrarvertíðin sé hins vegar að byrja og allmikið sé um hross í eigu útlendinga, enda sé hagstætt fyrir þá að kaupa vörur og þjónustu á Íslandi um þessar mundir.