Góð stemning á kvennatölti Léttis

Þann 1. maí var haldið hið árlega kvennatölt í boði La Vita e Bella. Mikil stemming er í kringum þetta mót og var þemað í ár „tiger“. Öll umgjörð mótsins var Létti og Bellunum til sóma, Fúsi þulur fór á kostum og dómararnir ásamt öðru starfsfólki voru frábærir.

48 konur skráðu sig til leiks í 3 styrkleikaflokkum og mættu þær prúðbúnar og tilbúnar í slaginn. Skemmtilegt var að sjá hve margar konur voru að keppa í fyrsta sinn og frábært hvað sumar gegnu langt í búningavali sínu. 5 efstu konurnar í hverjum flokki riðu svo til úrslita og fengu vegleg verðlaun en auk hefðbundinna verðlauna fengu þær íslenska hönnun sem gefin var af Hugrúnu Ívarsdóttur. Á www.lettir.is má skoða öll úrslit kvöldsins eða með því að smella hér.

Úlfhildur Sigurðardóttir sigraði búningakeppnina og er hún vel að sigrinum komin eins og sjá má.

Eftir mótið var haldið í Skeifuna þar sem konurnar gæddu sér á kræsingum frá La Vita e Bella, héldu happadrætti þar sem Hörgdælskar konur voru einstalega sigursælar og svo var dansinn stiginn. Konurnar tóku svo misvel á móti mökum sínum þegar átti að sækja þær og færa heim og víst er að Akureyringar fengu að njóta Tígurklæddra kvenna á öllum helstu öldurhúsum bæjarins þessa nótt.

Við þökkum kærlega öllum sem komu og kepptu, horfðu á og sem og þeim sem áttu með okkur frábæra kvöldstund.

Með kveðju,
Andrea Þorvaldsdóttir, formaður Léttis

1. flokkur

2. flokkur

T7