Aðalfundur HÍDÍ

30.01.2012

Aðalfundur HÍDÍ var haldinn þann 23.janúar s.l. í Íþróttamiðstöðinni Laugardal. Alls mættu 31 félagsmaður, fundarstjóri var Sigurbjörn Bárðarson. Aðalfundur HÍDÍ var haldinn þann 23.janúar s.l. í Íþróttamiðstöðinni Laugardal. Alls mættu 31 félagsmaður, fundarstjóri var Sigurbjörn Bárðarson.

• Skýrsla fráfarandi formanns, Gylfa Geirssonar, var kynnt og reikningar félagsins samþykktir án athugasemda.

• Laun dómara fyrir árið 2012 voru rædd og breytingartillaga samþykkt einróma.

Héraðsdómari kr. 2.500 pr/klst

Landsdómari kr. 3.000 pr/klst

Alþjóða dómari kr. 3.500 pr/klst

Útkall dómara kr. 15.000

• Ný stjórn var kosin og hana skipa:

Pjetur N. Pjetursson, formaður

Berglind Sveinsdóttir, meðstjórnandi

Ólöf Guðmundsdóttir meðstjórnandi

• Gylfi Geirsson gaf ekki kost á sér áfram sem formann HÍDÍ var honum þakkað sérstaklega fyrir þau 10 ár sem hann hefur gengt embættinu.

• Önnur mál:

Hulda G. Geirsdóttir kynnti fyrir félagsmönnum ráðstefnu fyrir alþjóðadómara sem haldin verður í Mosfellsbæ 13.-14.apríl.

Einnig kynnti hún að nýr leiðari væri í burðarliðum en það er sportnefnd FEIF sem er með þau mál á sinni könnu.

Sigurður Ævarsson benti á að skýra þarf fyrir mótshöldurum að nota rétta flokka í SportFeng við skráningu móta og að úrslit séu rétt riðin - T1, T3 o.s.frv.

Sigurður kom einnig með þá hugmynd að það þyrfti að koma á einhverskonar eftirlitskerfi með dómstörfum.

Komið var með hugmyndir að fá fleiri norðan-dómara að dæma fyrir sunnan og öfugt og féll það í góðan farveg.

Gylfi sagði okkur frá hugmyndum sem væru í gangi að koma á einhverskonar jöfnunarsjóði sem komi á móts við hestamannafélög varðandi niðurgreiðslu á akstri dómara þegar það á við.

Þökkum þeim félagsmönnum sem náðu að koma þrátt fyrir slæmt veður og færð.

Með kveðju,

Stjórn HÍDÍ

Til baka

Karfan þín

Aðalfundur HÍDÍ