Dagskrá og ráslistar Íslandsmóts í hestaíþróttum 2015

03.07.2015

Dagskrá Íslandsmóts í hestaíþróttum liggur nú fyrir ásamt ráslistum með fyrirvara um breytingar.

Ráslisti fullorðinna og ungmenna // Ráslisti barna og unglinga

Forkeppni Íslandsmótsins verður haldin á tveimur völlum. Skeifunni (fyrir neðan nýju Sprettshöllina/Kópavogsmegin) og á Hattarvallavelli (fyrir neðan eldri reiðhöllina/Garðabæjarmegin)

Í Skeifunni fer fram forkeppni ungmenna- og meistaraflokks og á Hattarvallavelli verður forkeppni í barna- og unglingaflokki. Fimikeppni verður haldin í Sprettshöllinni.

Öll úrslit á laugardag og sunnudag fara fram í Skeifunni.

Knapafundur verður haldinn í Sprettshöllinni miðvikudaginn 8.júlí kl. 08:30.

Gæðingaskeiðið og allar kappskeiðgreinar fara fram í Skeifunni.

Biðjum keppendur að skoða vel ráslistana og ef einhverjar athugasemdir eru þá senda tölvupóst á islandsmot@sprettarar.is. Allar afskráningar/breytingar verða að vera skriflegar annað hvort á tölvupósti eða á þar tilgerðu formi sem hægt er að nálgast í stjórnstöð Íslandsmótsins á meðan keppni stendur.

Aðgangur knapa með kerrur verður við Hattarvelli/Garðabæjarmegin eða við hesthús sem fólk hefur fengið aðstöðu í. Ekki verður heimilt að vera með kerrur við nýju Sprettshöllina og ekki niður á möninni í Skeifunni.

Verið er að gera kort af svæðinu sem verður aðgengilegt á netinu og í sérstöku Íslandsmótsblaði sem kemur út fyrir mótið.

Hlökkum til að sjá ykkur sem flest að Kjóavöllum.

SKEIFAN

Miðvikudagur 8. júlí

08:30

Knapafundur í Sprettshöllinni