Firnasterk töltkeppni í Rangárhöllinni

Eftir firnasterka keppni í tölti í Suðurlandsdeildinni var það öflugt lið Heimahaga sem stóð uppi sem sigurvegari kvöldsins en liðsmenn Heimahaga lentu í 1. og 3. sæti í flokki atvinnumanna og 6., og 10. í flokki áhugamanna.

Keppnin var jöfn og mörg glæsileg hross sem komu í braut. Hulda Gústafsdóttir og Draupnir frá Brautarholti úr liði Heimahaga sigruðu flokk atvinnumanna og Hákon Dan Ólafsson á Gormi frá Garðakoti úr liði Sunnuhvols/Ásmúla sem sigraði flokk áhugamanna.

Staðan í liðakeppninni eftir fyrstu tvær keppnir af fjórum í Suðurlandsdeildinni.

Úrslit í hvorum flokk fyrir sig má sjá hér að neðan.

Tölt – áhugamenn

Tölt – atvinnumenn

Næsta keppni fer fram 6. mars og verður keppt í parafimi. Fyrst var keppt í parafimi á síðasta ári og er hvergi á Íslandi keppt í þessari grein nema í Suðurlandsdeildinni. Á síðasta ári heppnaðist greinin virkilega vel og margar glæsilegar sýningar. 

Parafimi er keppnisgrein þar sem reynir á ganghæfileika, fegurð, kraft og glæsileika hestsins. Knapar eru í pörum inná, einn atvinnuknapi og einn áhugamaður og því reynir einnig á samvinnu þeirra. Parið getur verið skipað tveimur áhugamönnum.

Hægt er að fylgjast með Suðurlandsdeildinni með því að fylgja viðburðinum hér: 

https://www.facebook.com/events/1567726689929388/?active_tab=about 

Mynd: Lið Heimahaga, sigurvegari kvöldsins ásamt f.v. Ólafi Þórissyni formanni Hestamannafélagsins Geysis og Eiríki Vilhelm mótsstjóra Suðurlandsdeildarinnar.