Dagskrá Íslandsmóts fullorðinna og ungmenna

Þá er komið að því, Íslandsmót fullorðinna og ungmenna fer fram á Selfossi dagana 28. júní -2. júlí. Þar munu mæta okkar sterkustu knapar enda síðustu forvöð til að tryggja sig inn í landsliðshópinn fyrir HM í Hollandi sem fer fram í ágúst.

Alls eru 338 skráningar á mótið þar sem búast má við yfirburðagæðum og hárfínni reiðmennsku. Ljóst er að nýr Íslandsmeistari fullorðinna verður krýndur í T1 og í 150m skeiði en þar munu ríkjandi Íslandsmeistarar ekki mæta til leiks. Í F1 verður keppnin án efa hörð en þar mæta til leiks 8 fyrrum Íslandsmeistarar í greininni og sigurvegari síðasta árs Sara Sigurbjörnsdóttir og Flóki frá Oddhól.

Þá verður spennandi að fylgjast með því hvort Jóhanna Margrét Snorradóttir og Bárður frá Melabergi tryggi sér þriðja Íslandsmeistara titilinn í röð og sama má segja um Elvar Þormarsson og Fjalladís frá Fornusöndum en þau eru einnig ríkjandi Íslandsmeistarar síðustu tveggja ára.  

Ungmennaflokkarnir eru einnig ákaflega sterkir, þar mæta knapar sem hafa náð góðum árangri í vetur og vakið verðskuldaða athygli. Samkeppnin um sæti í U21 á HM er gífurleg og ljóst að það verður allt sett undir á Brávöllum í vikunni.

 Dagskrá Íslandsmóts er sem hér segir: