Skráning á Reykjavíkurmeistaramót hefst 1.maí

Hulda Gústafsdóttir og Birkir frá Vatni.

Fáksmenn hafa forgang í dag, 1. maí, til að skrá á Reykjavíkurmeistaramótið sem haldið verður í Víðidalnum 9.-14. maí n.k. Frá og með 2. maí, munu skráningar opnast fyrir aðra keppendur.

Skráningarfresti lýkur síðan á miðnætti þann 4. maí. Mjög strangt verður tekið á þessum skráningarfresti, ekki verður hægt að skrá eftir að honum lýkur og ekki verður tekið við skráningum sem berast með tölvupósti, þ.e. allar skráningar skulu fara í gegnum Skráningarkerfi Sportfengs:http://skraning.sportfengur.com/Skraningkort.aspx?mode=add

Dagskrá verður á þá leið að fjórgangur verður á þriðjudegi og miðvikudegi, fimmgangur á fimmtudegi, tölt á föstudegi og skeið á laugardegi. Athugið þó að þetta fer alveg eftir skráningu og eru þess vegna drög á þessum tímapunkti.

Í ár verður settur hámarksfjöldi þátttakenda í hringvallargreinarnar, sjá töflu:

Skráningargjöldin verða þau sömu og 2016:

• Meistaraflokkur – 6.500 kr. (nema gæðingaskeið 6.000 kr.)
• 1.flokkur, 2.flokkur og ungmennaflokkur – 6.000 kr.
• Unglingaflokkur og barnaflokkur – 4.500 kr.
• Kappreiðaskeið – 4.500 kr.

Hér er nýjasta útgáfan af lögum og reglum LH og FEIF, keppendur eru ábyrgir fyrir því að kynna sér þær: http://www.lhhestar.is/static/files/Log_og_reglur/2017/lh_logogreglur_28032017_prent.pdf

Mótanefnd Fáks