Vesturlandssýning í Faxaborg

Nú styttist í Vesturlandssýningu og er undirbúningur í fullum gangi. Dagskráin er þétt og mikil og góð þátttaka á meðal hestamanna á Vesturlandi. Endanleg dagskrá verður auglýst á allra næstu dögum en hún spannar á milli 20-25 atriði. Þar má helst nefna börn, unglinga, A-flokk gæðinga, B-flokk gæðinga, skeið, kynbótahross, ræktunarbú og afkvæmasýningar.
Sem dæmi um atriði á sýningunni: Afkvæmi Glyms frá Innri-Skeljabrekku, afkvæmi Auðs frá Lundum, Sjálfur frá Austurkoti og Hringur frá Gunnarsstöðum. 

Dæmi um ræktunarbú: Berg, Hrísdalur, Skipaskagi, Vestri-Leirárgarðar og Grafarkot.

 

Undirbúningsnefndin