Brokkgengir á brokkinu

Hestar í gæðingakeppni eru oft á tíðum býsna brokkgengir á brokkinu, það er að segja: tolla illa á gangtegundinni. Núverandi reglur gera ráð fyrir að hestur geti hlotið fullnaðareinkunn fyrir brokk ef hann skilar tveimur heilum langhliðum af átta sem riðnar eru alla jafna. Nú eru líkur á að kröfur um brokk í gæðingakeppni verði hertar.Hestar í gæðingakeppni eru oft á tíðum býsna brokkgengir á brokkinu, það er að segja: tolla illa á gangtegundinni. Núverandi reglur gera ráð fyrir að hestur geti hlotið fullnaðareinkunn fyrir brokk ef hann skilar tveimur heilum langhliðum af átta sem riðnar eru alla jafna. Nú eru líkur á að kröfur um brokk í gæðingakeppni verði hertar.Hestar í gæðingakeppni eru oft á tíðum býsna brokkgengir á brokkinu, það er að segja: tolla illa á gangtegundinni. Núverandi reglur gera ráð fyrir að hestur geti hlotið fullnaðareinkunn fyrir brokk ef hann skilar tveimur heilum langhliðum af átta sem riðnar eru alla jafna. Nú eru líkur á að kröfur um brokk í gæðingakeppni verði hertar.

Fyrir 56. Landsþingi LH liggur tillaga frá Fáki þess efnis að í úrslitakeppni allra flokka í gæðingakeppni skuli sýna hið minnsta tvær langhliðar upp á hvora hönd á hverri gangtegund sem riðin er. Í greinargerð með tillögunni segir að í núgildandi lögum sé ekki nógu skýrt tekið fram hvernig riðið skuli. Breytingin muni auðvelda dómurum störfin.

Keppnisnefnd telur ekki að tillagan, eins og hún hljóðar, muni leysa vandann. Sjálf leggur keppnisnefnd fram tillögu sem gerir ráð fyrir breytingu á lögum um úrslit í A flokki. Setningin: „Sýna skal brokk allt að tveim hringjum til hvorrar handar. Brokk skal sýna minnst tvær langhliðar heilar.“ Breytist í: „Sýna skal brokk allt að tveim hringjum til hvorrar handar.“ Verði þessi breyting samþykkt þýðir það einfaldlega að meira verður gefið fyrir öruggt brokk en óöruggt.

Keppnisnefnd telur að í tillögu Fáks felist sú hætta að dómahefð á hægu tölti, og tölti í A flokki gæti raskast verulega. Nefndin varpar fram þeirri hugmynd hvort ekki megi fá betri niðurstöðu með því að breyta röð gangtegunda þannig að brokk verði fyrsta gangtegund í úrslitum og hestarnir komi þannig heitir en ekki uppspenntir inn í brokksýningu, eins og verða vill þegar þeir hafa fetað lengi undir talnalestri.

Hryssan á myndinni á hins vegar í engum vandræðum á brokki.. Hún heitir Fjóla frá Kirkjubæ, knapi Eva Dyroy.