Halldór Guðjónsson í Meistaradeild VÍS

Halldór Guðjónsson var samþykktur í dag í lið Lýsis í Meistaradeild VÍS, en stjórn Meistaradeildar í hestaíþróttum kom saman í dag og tók fyrir tilnefningu liðsins. Halldór mun koma inní lið Lýsis í stað Sigríðar Pjetursdóttur sem gaf sæti sitt eftir í deildinni. Það er sannarlega missir af Sigríði úr deildinni, en Halldór mun án ef koma sterkur inn.Halldór Guðjónsson var samþykktur í dag í lið Lýsis í Meistaradeild VÍS, en stjórn Meistaradeildar í hestaíþróttum kom saman í dag og tók fyrir tilnefningu liðsins. Halldór mun koma inní lið Lýsis í stað Sigríðar Pjetursdóttur sem gaf sæti sitt eftir í deildinni. Það er sannarlega missir af Sigríði úr deildinni, en Halldór mun án ef koma sterkur inn.Fréttatilkynning:

Halldór Guðjónsson var samþykktur í dag í lið Lýsis í Meistaradeild VÍS, en stjórn Meistaradeildar í hestaíþróttum kom saman í dag og tók fyrir tilnefningu liðsins. Halldór mun koma inní lið Lýsis í stað Sigríðar Pjetursdóttur sem gaf sæti sitt eftir í deildinni. Það er sannarlega missir af Sigríði úr deildinni, en Halldór mun án ef koma sterkur inn.

Samkvæmt grein 8.3 í reglum Meistaradeildar í hestaíþróttum, þá er hlutverk stjórnar í þessu tilliti að tryggja hæfni knapa í Meistaradeild í hestaíþróttum og standa vörð um hag Meistaradeildarinnar og hagsmunaaðila. Til viðmiðunnar hafi stjórnin niðurstöðu í mótaröð Meistaradeildarinnar síðustu tvö keppnistímabil, síðustu tvær úrtökur fyrir Meistaradeildina, tilnefningar til knapaverðlauna undangengin tvö ár og “World Ranking” lista yfir árangur í hestaíþróttum.

Halldór er í níunda sæti í tölti (T1) á World Ranking lista FEIF fyrir árið 2008 en hann hafnaði m.a. í 3 sæti í tölti á Landsmóti á hestinum Nátthrafni frá Dallandi, ásamt því að hafa verið framarlega í skeiðgreinum á síðasta ári á hryssunni Döllu frá Dallandi.

Nú eru liðin farin að tilnefna varaknapa fyrir liðin, en á morgun þriðjudag verða liðin að skila til stjórnar tilnefningunum, ásamt afrekaskrá viðkomandi knapa. Um leið og stjórnin hefur tekið tilnefningarnar fyrir mun fréttamiðlum verða send tilkynning.

Á myndinni er Nátthrafn frá Dallandi, knapi Halldór Guðjónsson. Þess má geta að Nátthrafn er undan Kjarki frá Egilsstaðabæ, sem nú er á leið til Svíþjóðar. Sjá frétt hér á síðunni.