Haustfundur HEÞ - FHB og Fagráð senda fulltrúa sína

Haustfundur HEÞ og almennur fundur í fundaröð Félags hrossabænda og Fagráðs í hrossarækt um málefni hestamanna verður haldinn í Ljósvetningabúð þriðjudaginn 6. október kl. 20. Á fundinum verður fjallað um:

• Markaðsátak í hestamennsku – kynning.
• Sýningarárið 2015 í kynbótadómum.
• Vinna við nýjan dómskala í kynbótadómum verður kynnt.
• Val kynbótahrossa á Landsmót 2016 – hugmyndir kynntar.
• Framkvæmd Landsmóts 2016.

Einnig verða afhentar viðurkenningar fyrir efstu kynbótahross félaga í HEÞ í hverjum flokki á og fyrir ræktunarbú HEÞ.

Tilnefnd ræktunarbú HEÞ 2015 eru eftirtalin:

Efri-Rauðalækur, Baldvin, Guðlaugur og Snjólaug
Litla-Brekka, Vignir Sigurðsson
Skriða, Þór og Sigríður
Torfunes, Baldvin Kr. Baldvinsson og
Ytra-Dalsgerði, Kristinn Hugason

Með fulltrúum Félags hrossabænda og fagráðs, þeim Sveini Steinarssyni formanni Félags hrossabænda og fagráðs og Þorvaldi Kristjánssyni, ábyrgðarmanni í hrossarækt verður fulltrúi Landssambands hestamannafélaga og munu þau verða frummælendur fundanna.

Eins og sjá má verður margt áhugavert á döfinni.

Allir eru velkomnir og hestafólk er hvatt til að fjölmenna á fundinn.

Fundarboðendur