Hesthúseigendafélag stofnað

Það voru 55 manns sem mættu galvaskir á stofnfundinn í Glaðheimum og samþykktu lög fyrir félagið og kusu formann, stjórn og skoðunarmenn reikninga. Til viðbótar hafa um 15 manns óskað eftir að gerast stofnfélagar.

Mikill hugur og jákvæðni ríkti á fundinum og voru menn sannfærðir um að stofnun hesthúsaeigendafélagsins væri styrkur fyrir Hestamannafélagið Gust og þessi tvö félög myndu geta starfað vel saman í nánustu framtíð að því að gæta hagsmuna lóðarhafa/hesthúsaeigenda og félagsmanna í hvívetna á hinu nýja félagssvæði Hestamannafélagsins Gusts.

Félaginu var valið nafnið "Félag hesthúsaeigenda á félagssvæði Gusts á Kjóavöllum" með kosningu, en fram komu 4 aðrar tillögur að nafni á fundinum og hlaut þetta nafn flest atkvæði fundarmanna.

Þá voru eftirtaldir kjörnir í stjórn:

Kristín Njálsdóttir, formaður kristin@landsmennt.is

Elín Deborah Wyszonirski elindg@live.com

Bjarni Benediktsson bjarni@bben.is

Þór Bjarkar bjarkar@bjarkar.is

Árni Björgvinsson arnib@talnet.is

Nýkjörin stjórn félagsins vill koma því á framfæri að enn er hægt að gerast stofnfélagi og áhugasamir geti sent póst þess efnis á einhvern stjórnarmanna. Þá óskar stjórn félagsins eftir því að félagsmenn verði dugmiklir í því að koma hugmyndum á framfæri varðandi þau málefni og verkefni sem húseigendafélagið ætti að taka til umfjöllunar.