Ísólfur Líndal ráðinn aðstoðarþjálfari a-landsliðs

Ísólfur Líndal Þórisson hefur verið ráðinn aðstoðarþjálfari A-landsliðshóps LH.

Ísólfur útskrifaðist sem reiðkennari frá Hólaskóla 2005, hlaut reiðkennsluverðlaun Hólaskóla það ár og er starfandi reiðkennari við Háskólann á Hólum. Ísólfur hefur verið í toppbaráttunni á Landsmótum, Íslandsmótum og Meistaradeildum sunnan og norðan heiða í mörg ár. Hann var kjörinn gæðingaknapi ársins 2013 og reiðkennari ársins hjá LH 2020. Hann er stofnandi og eigandi kennslusíðunnar isoonline.is.

 

Ísólfur er metnaðarfullur liðsmaður sem leggur mikla áherslu á jákvæða og uppbyggilega nálgun við þjálfun knapa og hesta.

 

Við bjóðum Ísólf velkominn til starfa og hlökkum til samstarfsins.