Keppni í hestaíþróttum heimil að nýju

Nýjar sóttvarnarreglur taka gildi 13. janúar með nýrri reglugerð heilbrigðisráðherra um takmörkun á samkomum vegna farsóttar.

Sóttvarnaryfirvöld hafa samþykkt sóttvarnarreglur fyrir hestaíþróttir og eru þær birtar á heimasíðu LH.

Í nýjum sóttvarnarreglum eru æfingar og keppni heimilar með ákveðnum takmörkunum og eru mótshaldarar beðnir um að kynna sér reglurnar vandlega. 

• Reglurnar gilda um óákveðin tíma, eða þar til næsta reglugerð heilbrigðisráðherra verður gefin út.
• Æfingar og keppni eru heimilaðar.
• Mikilvægt er að skráning iðkenda á æfingum sé nákvæm til að auðvelda smitrakningu.
• Iðkendum er óheimilt að nota sameiginlega félagsaðstöðu.
• Ekki er mælt með notkun andlitsgríma við íþróttaiðkun

• Reglur varðandi keppni:

• Áhorfendur eru bannaðir.
• Mótshaldarar ættu ekki að útvega veitingar fyrir starfsfólk eða keppendur. Allar veitingar sem einstaklingar taka með sér skulu vera í lokuðum umbúðum.
• Skipta þarf mótssvæði upp í ytra rými (starfsmannasvæði) og innra rými (keppnissvæði).
• Hámarksfjöldi í rými á keppnissvæði er 50 manns.
• Hámarksfjöldi í rými á starfsmannasvæði er 20 manns.
• Mótshaldarar bera ábyrgð á að tryggja 2ja metra nálægðartakmörk milli allra ótengdra aðila.