Landslið Íslands í hestaíþróttum fullskipað

Páll Bragi Hólmarsson liðsstjóri hefur nú fullskipað í íslenska landsliðið í hestaíþróttum sem keppir á Norðurlandamóti íslenska hestsins í Noregi, dagana 8.-14.ágúst nk.

Að þessu sinni verður bæði íþróttakeppni og gæðingakeppni á Norðurlandamótinu og teflir Ísland fram sterku liði í báðum keppnunum. Keppt var í gæðingakeppni til reynslu í fyrsta sinn á Norðurlandamótinu í Danmörku 2014, en í ár eru gæðingaflokkarnir fullgildar keppnisgreinar á mótinu.

Smellið hér til að sjá yfirlit yfir landsliðið og keppnisgreinar

Keppnisgreinar
Íþróttakeppni:

• F1: Fimmgangur
• V1: Fjórgangur
• T1: Tölt
• T2: Slaktaumatölt
• P1: 100m skeið
• P2: 250m skeið
• PP1: Gæðingaskeið

Gæðingakeppni:

• GDA: A-flokkur
• GDB: B-flokkur
• GDY: Ungmennaflokkur
• GDT: Unglingaflokkur

Norðurlandamótið fer fram í Biri í Noregi, norðan við Osló. Keppnin byrjar þriðjudaginn 9.ágúst á forkeppni í gæðingaflokkunum, en bráðabirgðadagskrá fyrir mótið er að finna á heimasíðu mótsins: http://nordisk2016.no/?p=504

Nánari upplýsingar er að finna á heimasíðu mótsins: http://nordisk2016.no/