Nýr formaður hjá Létti á Akureyri

Erlingur Guðmundsson tók við formennsku í Létti á Akureyri nú á haustdögum. Hann er Akureyringur í húð og hár. Hefur stundað hestamennsku í allmörg ár og setið í stjórn Léttis síðastliðin tvö ár. En hver eru helstu verkefnin framundan hjá Léttismönnum?Erlingur Guðmundsson tók við formennsku í Létti á Akureyri nú á haustdögum. Hann er Akureyringur í húð og hár. Hefur stundað hestamennsku í allmörg ár og setið í stjórn Léttis síðastliðin tvö ár. En hver eru helstu verkefnin framundan hjá Léttismönnum?Erlingur Guðmundsson tók við formennsku í Létti á Akureyri nú á haustdögum. Hann er Akureyringur í húð og hár. Hefur stundað hestamennsku í allmörg ár og setið í stjórn Léttis síðastliðin tvö ár. En hver eru helstu verkefnin framundan hjá Léttismönnum?

„Það er náttúrulega að ljúka byggingu reiðhallarinnar,“ segir Erlingur. „Reiðhöllin sjálf er komin í gagnið sem slík. Það á hins vegar eftir að koma upp salernisaðstöðunni og áhorfendastúkunum og við munum reyna það sem við getum til að komast yfir þann hjalla sem fyrst. Það er hins vegar ekki hlaupið að því að fá peninga þessa dagana og því ekki hægt að gefa út neinar tímasetningar. Fyrirhugað félagsheimili í reiðhöllinni verður hins vegar látið bíða betri tíma.“

-En hvað með akstursíþróttasvæðið í Glerárdal. Er komin niðurstaða í það mál?

„Kvartmílubraut í Glerárdal er komin á skipulag í Glerárdal, mitt á milli hesthúsahverfanna hér á Akureyri. Við höfum tapað því stríði,“ segir Erlingur. „Það er kannski lán í óláni nú í kreppunni að það eru meiri líkur en minni að framkvæmdir við hana muni dragast eitthvað á langinn. Við samgleðjumst akstursíþróttamönnum að sjálfssögðu með að fá góða aðstöðu. Þeir eiga rétt á henni eins og aðrir íþróttaiðkendur, hversu svo sem staðsetningin er út í hött.“

Í lokin má geta þess að Erlingur er að sjálfssögðu á leið á Landsþing LH á Kirkjubæjarklaustri ásamt sínu fólki í Létti.