Nýr starfsmaður útbreiðslu og kynningarmála LH

Jónína Sif Eyþórsdóttir hefur verið ráðin verkefnastjóri útbreiðslu og kynningarmála á skrifstofu LH. Jónína Sif mun meðal annars að halda utan um kynningarmál og fjölmiðlasamskipti LH.

Jónína Sif er félagi í hestamannafélaginu Herði og stundar hestamennsku frá Ökrum í Mosfellbæ þar sem hún rekur litla hestaleigu. Jónína er sagnfræðingur að mennt og með meistaragráðu í blaða- og fréttamennsku. Hún starfaði áður sem framkvæmdastjóri Æskulýðssambands Þjóðkirkjunnar.

 „Hestamennska hefur alltaf verið ástríða og það er spennandi verkefni að vinna að útbreiðslu og kynningarmálum á þjóðar íþróttinni okkar, með það fyrir augum að auka aðgengi og tækifæri fyrir fleiri til að stunda sportið.“

Jónína Sif hóf störf þann 11. apríl og er hún boðin velkomin til starfa.