Skoðunarferð um Berlín með VitaSport á HM

VitaSport býður upp á spennandi skoðunarferð um Berlín í tengslum við Heimsmeistarmót Íslenska hestsins í sumar.

ÞEKKTUSTU STAÐIR BORGARINNAR
Farið er með rútu frá hótelinu. Ekið er fram hjá helstu kennileitum borgarinnar (t.d. Brandenburgarhliðinu, þinghúsinu, sigursúlunni, Gedächniskirche, Tempelhof flugvöllinn, Berlínarmúrnum o.fl.), sagt frá þeim og þau tengd við margbrotna sögu borgarinnar. Berlín er stór en við fáum fína yfirsýn yfir borgina í þessarri skemmtilegu ferð.
Farið er um mörg af hverfum Berlínar bæði þau sem tilheyrðu gömlu austur Berlín og einnig vestur Berlín. Stoppað er tvisvar í ferðinni þar sem gestum gefst kostur á að fara út og skoða nánar þau minnismerki sem stoppað er við.