Smali fyrsta mót í Meistaradeild VÍS

Fyrsta mót Meistaqradeildar VÍS í vetur verður haldið í næstu viku, fimmtudagskvöldið 5. febrúar. Keppt verður í smala, sem einnig gengur undir nafninu hraðafimi.Fyrsta mót Meistaqradeildar VÍS í vetur verður haldið í næstu viku, fimmtudagskvöldið 5. febrúar. Keppt verður í smala, sem einnig gengur undir nafninu hraðafimi.Fyrsta mót Meistaqradeildar VÍS í vetur verður haldið í næstu viku, fimmtudagskvöldið 5. febrúar. Keppt verður í smala, sem einnig gengur undir nafninu hraðafimi.

Í smalanum reyna keppendur að leysa ákveðin verkefni á sem skemmstum tíma. Árangur ræðst af tíma og fjölda refsistiga sem knapar fá ef óvarlega er farið.

Smalabrautin nú er lík þeirri sem sett hefur verið upp undanfarin keppnistímabil að viðbættum tveimur verkefnum. Annað þessara verkefna er að ríða krossgang stuttan spöl með planka milli fram- og afturfóta, hitt verkefnið er opna hlið í brautinni og ríða í gegn. Bæði þessi nýju verkefni krefjast þess að mikill skilningur ríki milli manns og hests. Þau hafa bæði þau áhrif að hægja á hraðanum í brautinni og hafa þau verið sett á staði sem vel máttu við því að hægt væri á.

Á meðfylgjandi mynd er brautin sýnd nokkurn veginn.
Eins og sjá má á myndinni er hægt að skipta brautinni upp í 7 verkefni:
1    Svig
2    Bogareið
3    Riðið í gegnum vinkil
4    Krossgangur yfir planka
5    Riðið yfir brú
6    Riðið gegnum hlið, ekki er gerð krafa um að knapar loki á eftir sér
7    Hestur sveigður frá stuðningi langhliðar í gengum hlið á mikilli stökkferð

Brautin verður sett upp á mánudaginn næstkomandi og er knöpum frjálst að æfa sig frá kl 18:00 á mánudag til kl. 15:00 á keppnisdag.