Starf umsjónarmanns á Skógarhólum til umsóknar

Landssamband hestamannafélaga óskar eftir umsjónarmanni og staðarhaldara á Skógarhólum í sumar.

Skógarhólar er áningarstaður hestamanna í þjóðgarðinum á Þingvöllum og er rekið af Landssambands hestamannafélaga. Þar er boðið upp á gistingu fyrir allt að 30 manns, tjaldstæði, eldunaraðstöðu og veislusal, ásamt áningarhólfum fyrir hesta.

Starfslýsing:

• Dagleg umsjón með húsnæði, tjaldsvæði og áningarhólfum
• Móttaka gesta og vera þeim innan handar ef þörf er á
• Sjá um að halda umhverfi staðarins snyrtilegu
• Æskilegt að viðkomandi geti sinnt viðhaldi á húsnæði og áningarhólfum

Hæfniskröfur:

• Góð íslensku- og enskukunnátta æskileg
• Þjónustulund, jákvæðni og lausnamiðað hugarfar
• Nauðsynlegt að viðkomandi geti unnið sjálfstætt
• Áhugi og þekking á hestamennsku æskileg
• Bílpróf nauðsynlegt og að viðkomandi hafi yfir bifreið að ráða

Sveigjanlegur vinnutími.

Starfskjör skv. samkomulagi - verktakavinna (ca. 50% starfshlutfall).

Æskilegt að viðkomandi geti hafið störf 1. júní.

Umsóknarfrestur er til og með 10. maí 2022

Vinsamlegast sendið umsókn ásamt ferilskrá á netfangið: lh@lhhestar.is

Nánari upplýsingar veitir Berglind Karlsdóttir framkvæmdastjóri LH, 514 4030.