Torsótt að opna Kóngsveginn

Mjög torsótt mun reynast að koma hinum aldargamla Kóngsvegi í gagnið sem reiðvegi í upprunalegri mynd. Það hefur reynslan kennt okkur. Vegurinn liggur á köflum um einkalönd. Og þrátt fyrir að ekki megi loka fornum reiðleiðum, lögum samkvæmt, er reynslan sú að sá bókstafur má sín oft lítils þegar til kastanna kemur. Flestir elska friðinn og taka þann kostinn frekar en að troða illsakir við landeigendur.Mjög torsótt mun reynast að koma hinum aldargamla Kóngsvegi í gagnið sem reiðvegi í upprunalegri mynd. Það hefur reynslan kennt okkur. Vegurinn liggur á köflum um einkalönd. Og þrátt fyrir að ekki megi loka fornum reiðleiðum, lögum samkvæmt, er reynslan sú að sá bókstafur má sín oft lítils þegar til kastanna kemur. Flestir elska friðinn og taka þann kostinn frekar en að troða illsakir við landeigendur.Mjög torsótt mun reynast að koma hinum aldargamla Kóngsvegi í gagnið sem reiðvegi í upprunalegri mynd. Það hefur reynslan kennt okkur. Vegurinn liggur á köflum um einkalönd. Og þrátt fyrir að ekki megi loka fornum reiðleiðum, lögum samkvæmt, er reynslan sú að sá bókstafur má sín oft lítils þegar til kastanna kemur. Flestir elska friðinn og taka þann kostinn frekar en að troða illsakir við landeigendur.

Í tillögum sem liggja fyrir Landsþingi LH 2008 er imprað á að Kóngsvegur verði endurbyggður sem reiðleið. Hann liggur sem kunnugt er frá Þingvöllum, um Gjábakka að Laugarvatni, upp að Geysi og niður Hrunamannahrepp og Skeið. Rifja má upp að allnokkur áhugi var fyrir því í uppsveitum Árnessýslu að reyna að opna veginn í heild sinni á 100 ára afmæli hans, 2007. Töldu menn mikil verðmæti í því fólgin fyrir ferðaþjónustu á svæðinu. Þær óskir rættust ekki.

Valtýr Valtýsson, sveitarstjóri Bláskógabyggðar, segir að ekki sé sérstaklega á borðinu hjá sveitarfélaginu að opna Kóngsveginum leið og tengja hann í heild sinni.
„Vegurinn liggur á köflum um einkalönd og menn hafa á því ólíka sýn hvort réttlætanlegt sé að knýja menn til að opna lönd sín fyrir ríðandi umferð, jafnvel þótt það væri hægt lögum samkvæmt. Vegurinn er hins vegar friðlýstur. Hann er víðast hvar sjáanlegur í landinu og hann er mikið genginn. Hann er því varðveittur sem slíkur.
Nýr vegur um Gjábakka er í smíðum og hugmyndir manna eru í þá veru að gamli vegurinn verði lokaður fyrir bílaumferð. Hann verði eingöngu fyrir ríðandi umferð og göngufólk. Sá vegur er að mestu lagður eftir gamla Kóngsveginum og því ætti það að vera nokkur fengur fyrir hestamenn að fá hann sem reiðveg, þótt hitt verði langsóttara; að opna Kóngsveginn í upprunalegri mynd.“

Á myndinni eru Friðrik prins af Danaveldi og prinsessan hans, Mary Donaldson frá Ástralíu. Þau heimsóttu Ísland og fóru á hestbak, en riðu þó ekki slóð forföðurins, Friðriks áttunda.