Umferðarreglur hestamanna í þéttbýli

Nú fer senn að líða að páskum og reikna má með aukinni umferð á reiðvegum. Förum varlega, sýnum tillitsemi og munum hjálmanotkun. 

Við viljum hvetja hestamenn um land allt að hafa umferðar- og umgengisreglur Samgöngunefndar LH að leiðarljósi. 

• Hestamenn víkja til hægri á reiðleiðum
• Hestar sem eru teymdir skulu ávallt vera hægramegin og ekki fleiri en tveir (þrír til reiðar)
• Reiðhjálmar eru sjálfsögð öryggistæki
• Endurskinsmerki í skammdegi veita hestum og mönnum aukið öryggi
• Lausir hundar eru ekki leyfilegir á reiðleiðum og í hesthúsahverfum
• Áfengi og útreiðar fara ekki saman
• Sýnum tillitsemi, ríðum ekki hratt á móti eða aftanundir aðra reiðmenn
• Fari margir hestamenn saman í hóp skal ríða í einfaldri röð ef umferð er á móti
• Ríðum á reiðvegum og slóðum þar sem því verður viðkomið
• Teymum hesta, rekstrar eru bannaðir í þéttbýli