WorldRanking gæðingamót

Undir eftirliti LH er haldinn heimslisti yfir knapa og hross sem taka þátt í eftirtöldum greinum á löglegum WorldRanking gæðingamótum:

• A-flokkur
• B-flokkur
• A-flokkur ungmenna
• B-flokkur ungmenna
• Unglingaflokkur
• Barnaflokkur

WorldRanking gæðingamót mót þurfa að uppfylla eftirfarandi skilyrði:

Dómarar
Árin 2020 og 2021 þurfa tveir af fimm dómurum að vera með Landsdómararéttindi. Almennt þarf einn þeirra að hafa fasta búsetu í öðru landi en undanþága er veitt fyrir því árið 2020. Listi yfir dómara með gild réttindi má finna á hverjum tíma á heimasíðu GDLH. Úrslitum móta þar sem þessum skilyrðum er ekki fullnægt er hafnað.

Gjaldgengir hestar
Allir hestar sem taka þátt í keppni á WorldRanking móti skulu vera rétt skráðir í WorldFeng. Röðunin sjálf er ekki háð hestinum en einkunnir hestanna munu verða tengdir þeim í Worldfeng.

Umsóknir um WorldRanking gæðingamót
Sækja skal um WorldRanking gæðingamót á til þess gerðu eyðublaði á heimasíðu LH eigi síðar en 15. apríl ár hvert, nema í ár 2020 en þá er hægt að sækja um stuttu fyrir hvert mót
Umsókn um WorldRanking Gæðingamót
Listi yfir öll WorldRanking gæðingamót ársins verður birtur á heimasíðu LH í lok apríl ár hvert.

Skráning á niðurstöðum WorldRanking gæðingamóta
Niðurstöður WorldRanking gæðingamóta skulu berast skrifstofu LH innan þriggja vikna eftir að móti lýkur. Æskilegt er að notast sé við mótakerfið SportFeng.

Röðun á heimslista

• Röðun í hverri grein er byggð á meðaltali tveggja bestu einkunna knapa. Betri eða jafngóður árangur kemur í stað eldri einkunna.
• Allur árangur er gildur í tvö ár frá síðasta degi móts þar sem árangur náðist (að sömu dagsetningu tveimur árum seinna en ekki að meðaltalinni)
• Þar sem röðunin er byggð á áframhaldandi kerfi (árangur gildir í tvö ár) er aldrei nein lokaröðun.
• Frá þeirri stundu er knapi hefur náð þremur gildum einkunnum í grein, birtist nafn hans á heimslistanum.

Kostnaður

Ákveðið var að taka ekki gjald fyrir að halda WorldRanking gæðingamót árið 2020 en gjald verður ákveðið af stjórn LH fyrir 2021 og verður það kynnt síðar.