Fréttir: Desember 2012

Að gefnu tilefni viljum við minna eigendur Ástundar hnakka á að allir hnakkar frá árinu 2004 og lofthnakkar frá árinu 1999 eru merktir með raðnúmeri og eigenda skráning á sér stað við sölu.

Mótsstjórn Landsmóts hestamanna sem er nú rétt handan við hornið, hefur gefið út ráslista mótsins. Til að rifja upp dagskrána fyrstu dagana þá hefst keppni á forkeppni í B-flokki gæðinga, þá barnaflokki og lýkur deginum á ungmennaflokki. Á kynbótabrautinni fer fram forsýning í flokki 7v, 6v og hluta 5v hryssa.

Keppt verður í 300m stökki á Landsmótinu sem hefst á mánudaginn kemur í Reykjavík. Keppnin fer fram föstudaginn 29. júní kl 18.15 á stóra vellinum.

Aganefnd LH hefur staðfest ógildingu gæðingadómara á sýningu Tinna frá Kjarri í A flokki gæðinga á sameiginlegri úrtökukeppni Sleipnis, Ljúfs og Háfeta, sem fram fór 2. júní 2012.

Reykjavík 19. júní 2012 Íslandsbanki, Ergó, fjármögnunarþjónusta Íslandsbanka, og Landssamband Hestamannafélaga (LH) hafa gert með sér samstarfssamning. Samningurinn er til þriggja ára og verður Íslandsbanki aðalstyrktaraðili LH á því tímabili.

Öll hross sem keppa í A fl. gæðinga, B fl. gæðinga, ungmennaflokki, tölti og skeiði á LM 2012 skulu undirgangast dýralæknisskoðun þar sem metið er hvort þau séu hæf til keppni. Keppendur í öðrum greinum geta að eigin ósk mætt með hross sín í skoðun.

Gæðingakeppni Funa fer fram á Melgerðismelum laugardaginn 16. júní.

LH vill minna þá sem sjá um mót hjá hestamannafélögunum og eru að nota Sportfeng að senda inn niðurstöður mótsins, þ.e. úr Kappa í Sportfeng.

Landsamband hestamannafélaga fagnar samþykkt Alþingis á frumvarpi Innanríkisráðherra til breytingar á lögum nr.4/1995 um tekjustofna sveitarfélaga sem tryggir að öll hestahús hvar sem þau standa á landinu flokkist a-lið 3 mgr.3.gr. laga um tekjustofna sveitarfélaga.