Fréttir: 2025

Nú um helgina fór fram æfingahelgi U21 landsliðshópsins. Þau áttu saman frábæra helgi þar sem línur voru lagðar fyrir komandi tímabil. Hópurinn naut góðs af því að fá að vera í frábærri aðstöðu Eldhesta í Hveragerði.  Hekla Katharína landsliðsþjálfari U21 og Sigurbjörn Bárðarson landsliðsþjálfari A-landsliðsins tóku þau í tvo einkatíma á þeim hestum sem knaparnir stefna með á HM í Sviss og voru þau heilt yfir ánægð með standið á hópnum og reyndu að sjálfsögðu að hvetja þau enn frekar til dáða með góðum punktum og hvatningu.

Í nóvember var óskað eftir umsóknum um Íslandmót sem er nú úthlutað til þriggja ára, í takt við samþykktir landsþings (á ekki við um Íslandsmót í Gæðingalist). Umsóknir bárust um öll mótin og raðst þau svona:  Íslandsmót fullorðinna og ungmenna 2025 Sleipni hefur þegar verið úthlutað mótinu skv. ákvörðun stjórnar LH þann 2. okt. 2024. 2026 Umsókn barst frá Sörla. Afgreiðsla: Samþykkt að úthluta Sörla Íslandsmóti fullorðinna og ungmenna 2026 2027 Umsóknir bárust frá Borgfirðingi, Skagfirðingi og Sörla Afgreiðsla: Samþykkt að úthluta Skagfirðingi Íslandsmóti fullorðinna og ungmenna 2027 Íslandsmót barna og unglinga

Á Landsþingi LH sem fram fór í október síðast liðnum var samþykkt að LH styðji við félögin í landinu þegar ágreiningur verður um nýtingu reiðleiða. Einnig var samþykkt að stjórn leiti álits á lagalegri stöðu reiðleiða annars vegar og þjóðleiða hins vegar ásamt rétti landeigenda til að loka reiðvegum, hvort heldur sem er þjóðleiðum eða almennum reiðvegum sem eru á samþykktu skipulagi. Þá skuli skoða stöðu reiðvega innan þjóðgarða, skóg- og landrækta. Samþykkt var að senda áskorun til stjórnvalda að framlög til reiðvega verði a.m.k. 300 millj. kr. á ári næstu fimm árin eins og tillögur starfshóps innviðaráðherra um úrbætur í vegamálum segja til um.

Mánudaginn 20. jan 19:00 verður haldið Sportfengsnámskeið fyrir mótshaldara. Farið verður yfir kerfið frá því hvernig kerfið virkar almennt (aðgangur er stofnaður, finna mót, skráning keppenda osfrv) og hvernig það virkar í allri framkvæmd fyrir, á meðan og eftir mót. Til dæmis verður farið ítarlega í stofnum móta og hvernig mótshaldarar tryggja að þau séu rétt skráð s.s. lögleg eða ólögleg. Þá verður farið yfir atriði eins og skráningarfrest, setja inn greinar og úrslit. Skráning starfsmanna, dómara, þula og fótaskoðun.

Kosning um reiðkennara ársins 2024 fer nú fram á heimasíðu FEIF. Finnbogi Bjarnason var kosinn reiðkennari ársins á Íslandi og er því okkar fulltrúi í kosningunni. Aðrir tilnefndir eru: 

Á síðastliðnu Landsþingi LH sem fór fram í Borgarnesi helgina 25-26 október var samþykkt að opna sæti á stöðulista í yngri flokkum þannig að öll ónýtt sæti hjá hestamannafélögunum færast yfir á stöðulista. Dæmi: Hestamannafélag sem á rétt á að senda fimm fulltrúa á Landsmót, en sendir einungis þrjá, gefur eftir tvö ónýtt sæti sem fara yfir á stöðulista. Grunnhugmyndin er að yngri flokkar á Landsmótum séu ætíð fullskipaðir.

Í kvöld fór fram hátíðin íþróttamaður ársins og var við það tilefni tilkynnt að Sigurbjörn Bárðarson hefur verið tekinn inn í Heiðurshöll ÍSÍ. Hann er fyrsti hestamaðurinn sem hlýtur þessa miklu viðurkenningu. Sigurbjörn þarf vart að kynna fyrir nokkrum hestamanni en keppnisferill hans er einstakur og er auðvelt að fullyrða að enginn íþróttamaður á Íslandi standist honum samanburð í þeim efnum. Sigurbjörn hlaut titilinn íþróttamaður ársins árið 1993 í kjöri íþróttafréttamanna og er það einn mesti heiður sem íslenskum hestaíþróttamanni hefur hlotnast. Hann var sæmdur heiðursverðlaunum LH 2022.