Fréttir: Júlí 2009

Keppni í gæðingaskeiði fór fram í kvöld á Íslandsmótinu í hestaíþróttum. Sigurður Sigurðarson á Freyði frá Hafsteinsstöðum bar sigur úr býtum með einkunnina 8,38.

Forkeppnin í tölti á Íslandsmótinu í hestaíþróttum var æsispennandi og eru það Halldór Guðjónsson og Nátthrafn frá Dallandi sem standa efstir með einkunnina 8,43.

Keppni í fimmgangi á Íslandsmóti í hestaíþróttum er nýlokið. Efstur er landsliðknapinn Daníel Jónsson á Tón frá Ólafsbergi með einkunnina 7,43.

Einar Öder Magnússon landsliðseinvaldur hefur valið þriðja ungmennið í íslenska landsliðið sem fer á Heimsmeistaramótið í Sviss.

Síðasta grein fyrsta dags á Íslandsmótinu í hestaíþróttum var 100m skeið. Agnar Snorri Stefánsson bar sigur úr býtum á Ester frá Hólum á tímanum 7,65 og var þar með fyrsti Íslandsmeistari mótsins krýndur.

Í dag var keppt í slaktaumatölti á Íslandsmóti í hestaíþróttum. Það er Sigurður Sigurðarson á Herði frá Eskiholti II sem leiðir keppnina með 7,90 í einkunn.

Fyrsta grein á Íslandsmótinu í hestaíþróttum var fjórgangur. Það er landsliðsknapinn Snorri Dal á Oddi frá Hvolsvelli sem leiðir keppni með einkunnina 7,40.

Íslandsmót fullorðinna 2009 er hafið á Akureyri. Stefnt er að því að færa inn einkunnir eins fljótt og auðið er inn á heimasíðu Léttis www.lettir.is.

12. Unglingalandsmót UMFÍ verður haldið á Sauðárkróki um Verslunarmannahelgina og hefst 31.júlí. Þar verður m.a. keppt í hestaíþróttum og er sú keppni opin öllum krökkum og unglingum á aldrinum 11-18 ára.