Fréttir

Hér eru stöðulistar í skeiði eins og þeir koma fyrir laugardaginn 14.júní. Athugið að þetta er ekki endanlegur listi, því enn eiga eftir að koma inn lögleg mót frá einhverjum mótshöldurum.

Hér má sjá ráslista fyrir gæðingakeppni Léttis sem fram fer um helgina.

Búið er að skrá í kortasjána allar reiðleiðir í Þingeyjarsýslum að Jökulsá á Fjöllum. Viðbótin nú er 308 km þannig að í heild eru komnir 10.051 km af reiðleiðum í kortasjána. Næstu verkefni verða Dalasýsla og Snæfellsnes áður en ráðist verður í að klára Norðausturland og svo Austurland.

Skrifstofa LH verður lokuð eftir hádegi í dag, föstudaginn 6. júní. Með aðkallandi erindi vinsamlegast sendið tölvupóst á lh@lhhestar.is.

Sænskir hestaíþróttadómarar hafa tekið höndum saman og staðið með LH að banna tungubogamél með vogarafli. Dómararnir skora jafnframt á FEIF að taka undir með LH og banna búnaðinn á öllum viðburðum/mótum íslenska hestsins. Þeir sendu formlegt bréf til stjórnar FEIF, sem og sport- og kynbótaleiðtoga samtakanna.

Undirritaður hefur verið samstarfssamningur milli Landssambands hestamannafélaga – LH og Samskipa um stuðning við Landsmót hestamanna sem haldið verður á Hellu 30. júní – 6. júlí í sumar, ásamt stuðningi við Landslið Íslands í hestaíþróttum.

Eins og staðan er í dag, fimmtudag 5. júní er 30. knapi á stöðulista í T1 með einkunnina 7,13. Enn er tími fyrir töltara til að spreyta sig á því að komast inná listann, því endanlegur stöðulisti verður birtur þann 22. júní.

RÚV og Landsmót hestamanna gerðu í dag samkomulag um samstarf varðandi Landsmót hestamanna sem fram fer á Hellu 30.júní til 6.júlí n.k. RÚV mun vera með innslög og fréttaflutning frá mótinu auk þess að sýnt verður beint frá völdum dagskrárliðum.

Æskulýðsnefnd LH heldur alþjóðlegt æskulýðsmót á vegum FEIF á Hólum í sumar, 11. – 20.júlí, þar koma saman 78 keppendur frá aðildalöndum FEIF í þjálfun og keppni. Það vantar tvo hópstjóra (teamleader) til að halda utanum sitthvorn hópinn en krökkunum er skipt í þrettán lið og er hópsstjóri með hverjum hóp.