Fréttir

Hestadagar í Reykjavík voru formlega settir í gærkvöldi í verslun Líflands að Lynghálsi. Þetta er í annað sinn sem Hestadagar eru haldnir og hátíðin því enn að festa sig í sessi.

Nú styttist heldur betur í veisluna en aðeins sólarhringur er í að helstu stjörnur Íslands í hestaheiminum feti sig inn á skautasvellið í Reykjavík. Eftirvæntingin er gríðarleg enda stórkostlegur hestakostur sem „Þeir allra sterkustu“ bjóða upp á þetta árið og ekki eru knaparnir af verri endanum heldur.

Áfram höldum við að kynna stóðhesta sem mæta til veisluhaldanna á Sauðárkróki á laugardagskvöldið. Höfðinginn Klængur frá Skálakoti mætir með nýjum knapa og leikur listir sínar.

Á morgun föstudag fer fram lokamót Meistaradeildar í hestaíþróttum en þá verður keppt í fimmgangi. Nú hafa allir keppendur skilað inn upplýsingum um þau hross er þeir keppa á og mega áhorfendur eiga von á veislu á morgun.

Hin árlega Dymbilvikusýning Gusts fer fram kvöldið fyrir skírdag að venju, miðvikudaginn 4. apríl nk. kl. 20:30.

Í kvöld verða Hestadagar í Reykjavík formlega settir. Setningarathöfnin fer fram í verslun Líflands að Lynghálsi 3 kl. 18:00 og mun Haraldur Þórarinsson formaður Landssambands hestamannafélaga setja hátíðina. 

Hestadagar í Reykjavík hefjast formlega fimmtudaginn 29.mars. Dagskráin á fimmtudaginn hefst með því að farið verður í reiðtúr um Hafnafjarðarhraun kl. 10:00. 

Hestamannafélagið Funi hlaut félagsmálabikar UMSE, en hann hlýtur það félag sem talið er að hafi starfað hvað best í þágu félags- og íþróttamála á hverju ári. Sitjandi stjórn UMSE úthlutar bikarnum. Sjá nánar inni á heimasíðu Funa

Fjölskyldusýningin Æskan og hesturinn verður haldin á sunnudaginn kemur, þann 1.apríl. Tvær sýningar verða þann dag, kl 13 og 16. Búist er við mikilli aðsókn enda frítt inn!