Fréttir

Örfá stæði eru enn laus í hjólhýsastæði með aðgengi að rafmagni á Landsmót hestamanna. Síðasti dagur til að kaupa í þessi stæði er nk. sunnudagur, 15. júní.

Fræðslunefnd Fáks hefur ákveðið að boðið verði upp á þá nýbreytni í vetur að boðið verður upp á stigskipt knapamerkjanámskeið fyrir fullorðna. Í boði eru 1, 2 og 3 stig. Áætlað er að þau byrji um miðjan janúar 2009.

Kynningarfundur fyrir þá sem þegar hafa skráð sig á knapamerkjanámskeið fyrir fullorðna verður haldinn í félagsheimili Fáks fimmtudaginn 8. Janúar kl. 20.00.

Minnum á skráninguna í kvöld frá kr. 18.00-20.00 í Félagsheimili Fáks

Hestamannafélagið Fákur býður félagsmönnum sínum upp á aðstoð reiðkennara öll miðvikudagskvöld í Reiðhöllinni í Víðidal. Þessi þjónusta er í boði Fáks og er frítt fyrir alla skuldlausa félagsmenn. Fyrirkomulagið verður þannig að reiðkennarinn verður staðsettur í Reiðhöllinni öll miðvikudagskvöld á milli klukkan átta og tíu fram að páskum.

Jörðin Þingeyrar í Húnaþingi var lengi þekktust af bónda sínum og frægum hestamanni, Jóni Ásgeirssyni. Sonur hans var Ásgeir Jónsson á Gottorp, sem ritaði bækurnar Horfnir góðhestar. Nú eru Þingeyrar aftur komnar í hóp virðulegustu hrossabúa landsins.

Geysismenn á Rangárvöllum ætla sér að nýta hinu glæsilegu Rangárhöll, nýja reiðhöll á Gaddstaðaflötum, vel á komandi misserum. Sett hefur verið upp dagskrá fyrir veturinn. Hún er birt hér með fyrirvara um breytingar.

Hestamenn í Geysi vilja fá lengri frest til að undirbúa mótssvæði sitt fyrir Landsmót. Vilja þeir að ákvörðun um Landsmótsstað liggi fyrir með að minnsta kosti fimm ára fyrirvara.

Hestamannafélagið Sörli býður félögum á skyndihjálparnámskeið. Rauði kross Íslands mun sjá um kennslu. Námskeiðið er ætlað öllum þeim sem vilja læra grunnatriði skyndihjálpar og sálræns stuðnings og öðlast grunnfærni í að veita slösuðum eða veikum aðstoð í bráðatilfellum.