Fréttir

Búið er að úthluta æfingatímum fyrir hestamannafélögin og er hægt að nálgast tímasetningar á þeim hér á heimasíðunni okkar. Einnig er búið að setja inn ráslista fyrir tölt, skeið og gæðingakeppni.

Íslandsmeistaramót í Stóðhestaspilinu verður haldið á Föstudaginn 4. júlí á landsmóti hestamanna á Hellu.

Þeir sem eiga eftir að sækja verðlaunagripi frá Landsmóti geta nálgast þá á skrifstofu LH að Engjavegi 6, 104 Rvík. Skrifstofan er opin alla virka daga á milli 9-16. Bestu kveðjur, Skrifstofa LH

Minnu á að LHhestar kemur út með Fréttablaðinu á morgun.

Járningamannafélag Íslands hvetur knapa og forráðamenn hrossa á Landsmóti að kynna sér vel reglur um járningar.

Landsmót uppfærir reglulega stöðulista í tölti og skeiði. Spennan magnast...

Alls náðu 238 kynbótahross einkunnalágmörkum í einstaklingssýningum komandi landsmóts á Hellu. Eigendur eða knapar þessara kynbótahrossa eru beðnir að láta undirritaðan vita um forföll frá landsmóti svo fljótt sem auðið er. Endanleg dagskrá varðandi tímasetningar verður ákveðin næstkomandi fimmtudagskvöld og er þá afar brýnt að geta vitað um öll afföll sem fyrirséð eru. Sex hrossa fækkun þýðir stytting á dagskrá um eina klukkustund við dóma. Guðlaugur V. Antonsson, hrossaræktarráðunautur, sími: 892 0619

Ákveðið hefur verið að brydda uppá þeirri nýbreytni að knapar á Landsmóti geti valið og komið með tónlist að eigin vali í milliriðlum og tölti á meðan hross þeirra eru í braut. Eru það vinsamleg tilmæli LM að knapar velji instrumental tónlist, þ.e. tónlist án söngs og/eða tónlist með söng á okkar ástkæra ylhýra.

Mótstjórn LM 2008 hefur nú yfirfarið endanlega dagskrá keppnishluta og gert smávægilegar breytingar á henni eftir að úrslit frá úrtökumótum lágu fyrir. Nánari tímasetningar skemmtiatriða og afþreyingardagskrá barna verður birt innan skamms. Það ber þó að taka fram að alltaf þarf að taka dagskrá á svo viðamiklum viðburði með fyrirvara en mótshaldarar munu leggja sig í líma við að tímasetningar standist í hvívetna.