Fréttir: Júní 2009

Opið íþróttamót Snæfellings 2009 verður haldið á Kaldármelum, Snæfellsnesi, sunnudaginn 14. Júní 2009.

Sumarfjarnám ÍSÍ í þjálfaramenntun hefst 29. júní næstkomandi.  Skráningu þarf að vera lokið fyrir föstudaginn 26. júní.

Viðar Ingólfsson og Tumi frá Stóra-Hofi munu að öllum líkindum keppa í tölti á HM úrtöku í Fáki 16 og 18 júní. Viðar hefur haldið Tuma til hlés í vetur, en hann hefur verið talinn líklegastur sem helsta tromp íslenska liðsins í tölti.

Ekki er ennþá vitað fyrir víst hverjir munu verða aðal keppendur í fjórgangi á HM úrtökunnni í Fáki. Íslands- og Reykjavíkur meistarinn Snorri Dal ætlar að mæta með Odd frá Hvolsvelli en ekki hefur enn fengið staðfest hvort Sigurður Sigurðarson kemur með hinn þrefalda Íslandsmeistara Suðra frá Holtsmúla.

Búast má við afar spennandi keppni í fimmgangi á HM úrtökunni sem fram fer í Fáki 16. og 18. júní. Tveir Íslandsmeistarar og sigurvegari Meistaradeildar VÍS 2009 munu eigast þar við.

Viljum minna á að síðasti skráningardagur fyrir úrtökumótið vegna Heimsmeistaramótsins í Sviss 2009 er föstudagurinn 12.júní til kl.16.00.

Opið Íþróttamót Hrings verður haldið þriðjudaginn 23.júní nk. Keppni hefst kl 17:00 og er áætlað að úrslit verði riðin í miðnætursól á Hringsholtsvelli.

Nýr hestvænn kynbótavöllur var vígður á Melgerðismelum þriðjudaginn 9. júní og nú stendur yfir kynbótasýning á vellinum.

Sigurður Sigurðarson á Drífu frá Hafsteinsstöðum sigraði 100m skeiðið á Skeiðleikum Skeiðfélagsins nú í kvöld á tímanum 7,55.