Fréttir: Júní 2009

Það var Þráinn Ragnarsson sem sigraði 150m skeiðið í kvöld á tímanum 14,96, á hæla honum kom Teitur Árnason á tímanum 14,98 og þriðji varð Hinrik Bragason á tímanum 15,04.

Óliver frá Kvistum fór í rosadóm á kynbótasýningu á Vesturlandi í morgun. Hann fékk 8,93 fyrir hæfileika og 8,67 í aðaleinkunn. Knapi var Hinrik Bragason.

Úrtakan vegna HM 2009 fer fram dagana 16. júní (fyrri hluti) og 18. júní (seinni hluti) á félagssvæði Fáks, Víðidal. Skráning er á skrifstofu LH til kl.16:00 föstudagsinn 12.júní.

Sigríkur Jónsson á Syðri-Úlfsstöðum í Austur-Landeyjum ætlar að taka þátt í úrtöku fyrir HM2009 í Sviss. Hann keppir á hestinum Zorró frá Grímsstöðum í Landeyjum, Orrasyni frá Þúfu.

Sigurður Sigurðarson segir mjög líklegt að hann muni skrá Freyði frá Hafsteinsstöðum í gæðingaskeið á HM úrtökunni sem fram fer 16. og 18. júní.

Sigurbjörn Bárðarson verður ekki sjálfur með hest í úrtöku fyrir HM2009 í Sviss. Hann er þó ekki alveg búinn að segja skilið við heimsmeistaramótin, því Sara dóttir hans mun taka þátt í úrtökunni í ungmennaflokki á töltaranum Nykur frá Hítarnesi.

Aðrir Skeiðleikar Skeiðfélagsins verða haldnir að Brávöllum, félagssvæði Sleipnis á Selfossi í kvöld klukkan 20:00.

Sextíu kynbótahross hafa þegar náð lágmörkum inn á FM2009 á Kaldármelum. Fjörutíu og tvö eru með 8,0 og hærra í meðaleinkunn fyrir sköpulag. Seiður frá Flugumýri 2 er með hæstu byggingareinkunnina og Bjarmi frá Lundum og Prinsessa frá Birkihlíð með þá næst hæstu.

Illingur frá Tóftum stimplaði sig rækilega inn í elsta flokk stóðhesta fyrir HM2009 í Sviss, á kynbótasýningu á Gaddstaðaflötum í síðustu viku. Hann fékk 8,73 í aðaleinkunn og er nú þriðji hæst dæmdi íslenski stóðhestur í heimi.