Fréttir: Júní 2010

Gullmótið í hestaíþróttum verður haldið helgina 3. - 4. júlí á félagssvæði Fáks, Víðidal. Ölgerðin er stærsti styrktaraðili mótsins og mun Barki gefa keppendum í fyrsta sæti í öllum greinum Marstall fóðurpoka. Mikill áhugi er fyrir mótinu og heyrst hefur að hópur af erlendum gestum líti í dalinn á meðan á móti stendur.

Undirrituð skoðaði ferðahesta Íshesta á Mælifellsdal, eftir ferð yfir Kjöl, föstudaginn 25. júní sl. Fylgst var með hópnum þar sem hann fór yfir Mælifellshálsinn stuttu áður en komið var til byggða.

Sem flestum er kunnugt þá hafa verið mikil skrif í fjölmiðlum að undanförnu og einnig verið umfjallanir í ljósvakamiðlum vegna verndaráætlunar Vatnajökulsþjóðgarðs og full ástæða verið til.

Aðalskipulög margra sveitarfélaga hafa verið og eru í kynningarferli þessa daganna, þar má m.a. nefna aðalskipulög sveitarfélaganna Norðurþings, Húnavatnshrepps, Skagastrandahrepps, Strandabyggðar, Fjallabyggðar, Ásahrepps, og Fjarðabyggðar.

Hollaröð á kynbótasýningu á Gaddstaðaflötum dagana 28. júní - 1. júlí 2010 er komin á vefinn hjá okkur. Dómar hefjast kl. 12.30 mánudaginn 28. júní og þeim lýkur með yfirlitssýningu fimmtudaginn 1. júlí. Yfirlitssýning mun hefjast kl. 9.00 með sýningu hryssna 7 vetra og eldri.

Það lá að endum að Alþingi auðnaðist að samþykkja samgönguáætlun fyrir árin 2009-2012 á síðustu metrum þingsins. Það lá fyrir að ekki yrði um neinar fjárheimildir til reiðvega að ræða fyrr en samgöngáætlun yrði samþykkt á Alþingi.

Í ljósi þeirra aðstæðna sem nú eru uppi í hestasamfélaginu var ákveðið eftir samráðsfund hagsmunaaðila í hestamennsku að best væri að fresta Íslandsmóti fullorðinna í hestaíþróttum til 25.-28. ágúst n.k.

Fundur hagsmunaaðila í hestamennsku, sem haldinn var fimmtudaginn 24.06.2010, lýsir yfir stuðningi við starf dýralæknis hrossasjúkdóma hjá MAST og Keldur, tilraunastöð Háskóla Íslands í meinafræðum, í baráttu þeirra við að greina sjúkdóm þann sem herjar á íslenska hrossastofninn.

Landssamband hestamannafélaga, Félag tamningamanna og Félag hrossabænda stóðu fyrir fundi í gær, fimmtudaginn 24.júní, þar sem rætt var um stöðu hestamennskunnar á Íslandi í dag. Þar voru samankomnir fulltrúar ráðuneyta, háskóla, hrossaútflytjenda, MAST, BÍ, LM auk fundarhaldara.