Fréttir: Desember 2020

Á síðasta ári stóð Hestamannafélagið Neisti fyrir því að smíða veglegt áningargerði við Sveinsstaði í Austur-Húnavatnssýslu. Við Sveinsstaði mætast margar og fjölfarnar leiðir bæði ofan af hálendi og innan sveitar. Aðstaðan sem fyrir var voru eingöngu þau mannvirki sem bændur á Sveinsstöðum komu sér upp til eigin nota. Umferð um Sveinsstaði var orðin mikil og oft fjöldi hópa í áningu á sama tíma. Það þótti því bæði nauðsynlegt og eðlilegt að reyna að koma upp betri aðstöðu á þessum krossgötum.

Á setningarathöfn áhugamannadeildarinnar var skrifað var undir samning milli Landsmóts ehf. og Hestamannafélagsins Spretts um að halda Landsmót 2022. Mótið verður haldið á félagssvæði Hestamannfélagsins Spretts á Kjóavöllum dagna 4. til 10. júlí.

Ársþing FEIF var haldið dagana 31. janúar til 1. febrúar á Hótel Örk í Hveragerði. Á þingið mættu um 120 fulltrúar frá aðildarlöndum FEIF.

Á síðasta landsþingi LH á Akureyri var samþykkt að LH yrði leiðandi í því að gera gæðingafimi að fullgildri keppnisgrein í lögum og reglum sambandsins og gert að skipa starfshóp til þess verks.

Vekjum athygli á breyttri dagsetningu á Íslandsmóti barna og unglinga.

Landssamband hestamannafélaga kynnti landsliðshópa LH fyrir árið 2020 í Líflandi í dag, 23. janúar. Landsliðsþjálfarar LH, Sigurbjörn Bárðarson þjálfari A-landsliðs og Hekla Katharína Kristinsdóttir þjálfari U-21 árs landsliðs tilkynntu knapana sem valdir hafa verið í hópana. Við val á knöpum í landsliðshópana er tekið tillit til árangurs í keppni, reiðmennsku, hestakosts og íþróttamannslegrar framkomu.

Þjálfaramenntun ÍSÍ gefur réttindi til íþróttaþjálfunar.

Nýir landsliðshópar í hestaíþróttum verða kynntir í Líflandi fimmtudaginn 23. janúar kl. 15.00. Kynntir verða landsliðshópar í flokki fullorðinna og U21 árs og verða þeir starfandi árið 2020.

Hestamannafélagið Geysir heldur Íslandsmót fullorðinna og ungmenna í hestaíþróttum á Hellu dagana 12. til 16. ágúst 2020. Keppnisnefnd LH hefur gefið út lágmörk inn á Íslandsmót og vakin er athygli á því að þau hafa verið hækkuð um 0,4 frá því sem verið hefur undanfarin ár í T1, V1 og F1 og um 0,2 í gæðingaskeiði.