Fréttir: 2018

Vorfjarnám 1. og 2. stigs þjálfaramenntunar ÍSÍ hefst mánudaginn 12. febrúar nk. og tekur það átta vikur á 1. stigi en fimm vikur á 2. stigi. Nám beggja stiga er allt í fjarnámi, engar staðbundnar lotur og gildir námið jafnt fyrir allar íþróttagreinar.

Laugardaginn 20. janúar sl. stóð hestamannafélagið Skagfirðingur fyrir opnum fundi í Tjarnarbæ, félagsheimili félagsins, þar sem fjallað var um landsmótið 2016 sem haldið var á Hólum í Hjaltadal.

Nú er búið að velja 16 knapa í afrekshóp LH. Starfsárið hófst með áhugaverðum fyrirlestri Dr. Viðars Halldórssonar í samvinnu við meistaradeild æskunnar. Þar kynnti hann verkefnið „Sýnum Karakter“ sem er átaksverkefni um þjálfun sálrænnar og félagslegrar færni barna og ungmenna í íþróttum.

Félag tamningamanna og Landssamband hestamannafélaga halda opið fræðslukvöld/málþing fimmtudagkvöldið 25. janúar um dómgæslu/útfærslu á skeiði í íþróttakeppni, gæðingakeppni og kynbótadómi. Fulltrúar dómarafélaga, knapa og fræðimanna halda ca. 10 mín tölu hver og svo verða umræðuhópar, spurningar og orðið laust.

Landsmótin 1970-1986 eru komin inn á WorldFeng. Aðgengi að þessu ómetanlega myndefni fæst með ársáskrift 4.900kr. Endilega tryggið ykkur áskrift á worldfengur.com

Vakin er athygli á Menntaráðstefnu FEIF 2018, sem verður haldin hér heima að Hólum dagana 23. - 25. mars nk. Á ráðstefnunni verður boðið upp á metnaðarfulla dagskrá með umfjöllun um nútímalegar kennslu- og þjálfunaraðferðir í hestamennsku, og verður hún ýmist reidd fram sem sýnikennsla eða fyrirlestrar.

Landssamband hestamannafélaga hefur um árabil verið í samstarfi við ferðaskrifstofu varðandi ferðir á heimsmeistaramót íslenska hestsins. Nú hefur LH gert samning við ferðaskrifstofuna VITA Sport, og var það Sigurður Gunnarsson fyrrum handboltakempa, sem skrifaði undir samninginn fyrir þeirra hönd og Jóna Dís Bragadóttir varaformaður LH og nefndarmaður í landsliðsnefnd sambandsins skrifaði undir fyrir hönd LH.

Um liðna helgi héldu stjórnarmenn og starfsfólk LH austur í Hveragerði. Það hefur verið árlegt verkefni að taka eina helgi í upphafi tímabils, til skipulags og ráðagerða.

Íþrótta- og Ólympíusamband Íslands (ÍSÍ) harmar mjög að einstaklingar innan vébanda þess hafi þurft að þola ofbeldi í tengslum við íþróttastarf. ÍSÍ fordæmir með öllu allt ofbeldi í starfsemi íþróttahreyfingarinnar enda er slík hegðun óásættanleg og ólíðandi.