Fréttir: 2017

Fimmgangurinn er á morgun í Samskipahöllinni í Spretti. Keppni hefst kl. 19:00 en það er Sylvía Sigurbjörnsdóttir sem ríður á vaðið á gæðingi sínum Héðni Skúla frá Oddhóli.

Horses of Iceland býður ykkur velkomin á alþjóðlegu hestasýninguna Equitana í Essen, Þýskalandi, 18.-26. mars næstkomandi, þar sem starfsfólk okkar mun kynna íslenska hestinn á bási 2-B19.

Á mánudagskvöldið hélt landsliðsnefnd LH metnaðarfullan fræðslufund í veislusal Samskipahallarinnar í Spretti. Farið var yfir lykil að vali landsliðsins sem halda mun á HM í Hollandi í sumar, nýir samstarfsaðilar kynntir til leiks og að lokum flutti Heimir Hallgrímsson magnað erindi.

Fundaferð Æskulýðsnefndar LH heldur áfram og á laugardaginn var fudur á Suðurlandi og Sleipnir á Selfossi bauð heim. Fulltrúar fjögurra hestamannafélaga mættu og voru umræðurnar skemmtilegar og fróðlegt var að heyra um hvað æskulýðsstarfið snýst á hverjum stað fyrir sig.

Boðað er til fundar til að ræða um framtíðarfyrirkomulag HEÞ, Hrossaræktarsamtök Eyfirðinga og Þingeyinga. Sigríkur Jónsson formaður Hrossaræktarsamtaka Suðurlands mætir á fundinn og segir frá starfsemi sinna samtaka en þau byggja á einstaklingsaðild en eru ekki samtök aðildarfélaga eins og HEÞ.

Landsliðsnefnd LH heldur mjög áhugaverðan fund mánudaginn 13.mars kl.17:30 í Samskipahöllinni í Spretti þar sem kynntur verður lykillinn að vali íslenska landsliðsins - Leiðin að gullinu! Fyrirlesari kvöldsins verður hinn magnaði landsliðsþjálfari karla í knattspyrnu, Heimir Hallgrímsson. Fundurinn er opinn öllum áhugasömum og aðgangur er ókeypis!

Fulltrúar Landssambands hestamannafélaga fóru á fund forseta Íslands, Guðna Th. Jóhannessonar, á dögunum. Þar kynntu þeir hestaíþróttina, menninguna og lífsstílinn, allt sem LH stendur fyrir í hestamennskunni.

Næsta mót í Áhugamannadeild Spretts – Gluggar og Gler deildinni verður hrikalega spennandi. Í boði verður veisla fyrir áhorfendur þar sem keppt verður í tveimur greinum á einu kvöldi.

Fyrsta námskeið afrekshópsins í ár var haldið í Hestheimum dagana 18.-19. febrúar sl. 21 nemandi er í hópnum og var gott andrúmsloft og mikill áhugi hjá þeim að læra og bæta sig og sinn hest.