Fréttir

Jakob Sigurðsson á stóðhestinum Auði frá Lundum bar höfuð og herðar yfir aðra keppendur í gæðingafimi Meistaradeildar VÍS í gærkvöldi. Hann fékk 8,25 í einkunn en næsti keppandi fékk 7,73. Tíu knapar kepptu til úrslita. Var mál manna að reiðmennska Jakobs hefði verið til fyrirmyndar. Hesturinn var léttur í taumum og sáttur, og geislaði af mýkt og fegurð.

Á laugardaginn verður framhald á Meistaradeild UMFÍ í Rangárhöllinni á Hellu.  Þá verður keppt í Smala og fjórgangi og hefst keppni kl. 11:00.  Eins og fyrr er ókeypis aðgangur og veitingasala á staðnum.  Minnum keppendur að skila inn upplýsingum um keppnishesta á netfangið ssaggu@itn.is strax.

Bjarni Finnsson, formaður hestamannafélagsins Fáks, segir að það sé þverpólitísk samstaða í borgarstjórn Reykjavíkur um að umrætt svæði verði notað undir hesthúsabyggð og byggingar fyrir hestatengda starfssemi. Þær stofnanir sem fjallað hafi um málið á vegum borgarinnar hafa gefið út það álit að Elliðaánum og laxagengd í henni stafi ekki hætta af slíkri byggð. Enda muni ekkert frárennsli frá þeim byggingum fara í árnar.

Orri Vigfússon Forsvarsmaður Verndarsjóðs villtra laxa, NASF, vill fá fund sem fyrst með Hönnu Birnu Kristjánsdóttur borgarstjóra vegna fyrirhugaðrar hesthúsabyggðar í næsta nágrenni við Elliðaár í Víðidal. Verndarsjóðurinn segir hesthúsabyggð með öllu óásættanlega og hafa í för með sér óafturkræfar afleiðingar.

Hólasveinnin Árni Björn Pálsson (annar í rásröð) gaf fyrsta tóninn í fimmgangskeppni KS Meistaradeildar Norðurlands í gærkvölti. Og það var enginn feiltónn, því honum varð ekki haggað úr fyrsta sætinu út keppnina. Bjarni jónasson vann sig upp úr B úrslitum og hafnaði að lokum í 3. sætinu eftir að hlutkesti hafði verið varpað milli hans og Stefáns Friðgeirssonar.

Keppt verður í gæðingafimi í Meistaradeild VÍS í Ölfushöllinni í kvöld. Gæðingafimin er af mörgum talin ein mesta áskorun fyrir reiðmenn í keppni á íslenskum hestum. Þar eru sameinuð gildi klassískrar reiðmennsku, og þjóðlegrar íslenskrar reiðmennsku. Nokkrir knapar hafa riðið afar fallegar og vel útfærðar sýningar í þessari keppnisgrein.

Fyrsta upprifjunarnámskeið gæðingadómara verður haldið í kvöld, miðvikudag, í Íþróttamiðstöðinni í Laugardal. Námskeiðið hefst klukkan 18.00. Allir gæðingadómarar fengu sendan DVD disk auk annarra upplýsinga fyrir nokkru síðan og ætlast er til að menn komi undirbúnir til leiks. Námskeiðið kostar 5000 krónur, félagsgjald er 1500. Samtals 6500 krónur.

Ístölt – Þeir allra sterkustu 2009, verður haldið í Skautahöllinni í Reykjavík laugardaginn 4. apríl. Mótið er haldið til styrktar landsliði Íslands í hestaíþróttum. Úrval knapa og töltara mun taka þátt í keppninni. Átta framúrskarandi stóðhestar verða sýndir.

Það verða engar smá stjörnur sem munu etja kappi saman næst komandi fimmtudag í Ölfushöllinni þegar keppni í gæðingafimi í Meistaradeild VÍS fer fram.