Fréttir: 2010

Verum hagsýn í kreppunni! Sala á notuðum reiðfatnaði verður í félagsheimili Fáks sunnudaginn 17.janúar 2010. Losið úr skápum og hirslum reiðföt sem þið eruð hætt að nota og fáið fé fyrir eða komið og kaupið ykkur reiðföt á góðu verði!

Stóðhestadagur verður haldinn í Rangárhöllinni á Hellu öðru sinni laugardaginn 3. apríl nk. og rétt fyrir áhugasama hrossaræktendur að taka daginn strax frá! Dagurinn var haldinn í fyrsta skipti í fyrra og tókst gríðarlega vel, en þá kom fram fjöldi stóðhesta auk heiðurshestsins Kraflars frá Miðsitju sem þar sást í reið í síðasta sinn.

Nýárstölt Líflands og Léttis verður haldið í Top Reiterhöllinni föstudaginn 15. janúar klukkan 20:00. Skráning er á staðnum og hefst klukkan 19:00.

Langstærsti reiðslóðabanki landsins hefur verið aukinn og endurbættur. Þar eru nú 800 reiðslóðir. Viðbæturnar eru einkum úr Dölum og Þingeyjarsýslum, Árnessýslu og Rangárvallasýslu. Aðgangur að bankanum er ókeypis á www.jonas.is.

Aðalfundur HÍDÍ verður mánudaginn 18.janúar 2010 í Íþróttamiðstöðinni í Laugardal.  Fundurinn hefst stundvíslega  kl 20.00. Venjuleg aðalfundarstörf. Boðið verður uppá kaffi og kleinur.

FEIF ráðstefna haldin á Lipperthof Þýskalandi 10.-11. apríl.

- Heimsmeistaramót íslenska hestsins árið 2013 verður haldið í Berlín, Þýskalandi. Nánar tiltekið í Karlshorst. - Fyrsta alþjóðlega FEIF námskeiðið fyrir alþjóðlega FEIF íþróttadómara, þjálfara og reiðkennara (2.og 3. stig) verður haldið 10.-11.apríl 2010 á íslandshestabúgarðinum Lipperthof í Wurz Þýskalandi þar sem hinn virti Gerd Heuschmann mun flyta fyrirlestur. - Evrópumótið á ís 2010 verður haldið 12.-13.mars í Berlín. Nánari upplýsingar er að finna á www.icehorse2010.de - WorldCUP 2010 verður haldið 18-.20. febrúar 2010 í Óðinsvé, Danmörku, á sama tíma og árleg FEIF ráðstefna stendur yfir. Sjá fréttabréf á ensku hér fyrir neðan: