Fréttir

Í baráttunni við Covid19 faraldurinn höfum við í stjórn LH þurft að taka ákvarðanir sem gott hefði verið að vera laus við. Ákvarðanirnar höfum við tekið með samfélagslega ábyrgð að leiðarljósi. Við frestuðum landsmótinu sem halda átti 2020 aftur til 2022. Við ákváðum, í ljósi aðstæðna, að halda ekki Íslandsmótið sem vera átti í ágúst.

Þegar ferðast er á hestum um landið er nauðsynlegt að vita hvar skálar og áningarhólf eru staðsett

Námskeið í TREC verður haldið þriðjudaginn 22.september kl 18-21, í sal E á 3. hæð, íþróttamiðstöðinni í Laugardal.

Sóttvarnaryfirvöld hafa í dag, 29. ágúst, veitt heimild fyrir áhorfendum á íþróttaviðburðum með ákveðnum skilyrðum. Skilyrðin eru að 2 metra reglan gildi milli einstaklinga sem ekki eru í nánum tengslum og að ekki séu nema 100 manns að hámarki á svæðinu.

Stjórnir Hestamannafélagsins Skagfirðings og Landssambands hestamannafélaga hafa tekið sameiginlega ákvörðun um að Landsþing LH 2020 verði haldið af LH í Laugardalshöll í Reykjavík en landsþing LH 2022 verði haldið í Skagafirði.

Auglýsing heilbrigðisráðherra frá 25. ágúst tók gildi á miðnætti og gildir til 23.59 þann 10. september, sjá hér. Það sem snýr að íþróttastarfinu er óbreytt, þ.e.a.s. iðkun íþrótta er heimil svo framarlega sem viðkomandi sérsamband hafi sett sér reglur um fyrirkomulag æfinga og keppni og áhorfendur eru ekki leyfðir.

Hestamennirnir og húsasmiðirnir Róbert Gunnarsson úr Spretti, Karl Gústaf Davíðsson úr Mána og Kristján Gunnarsson úr Mána tóku að sér verkið og útveguðu til þess þrjá menn til viðbótar þá Eirík Ólafsson, Orra Sigurjónsson og Ivica Buric. Verkið var allt unnið í sjálfboðavinnu sem er ómetanlegt fyrir félagasamtök eins og LH og þökkum við þeim kærlega fyrir óeigingjarnt starf. Þeir Róbert, Karl og Kristján hafa heimsótt Skógarhóla og riðið um þjóðgarðinn á hverju sumri í árafjöld og hafa því sterkar taugar til staðarins.

Landsþing Landssambands hestamannafélaga verður haldið dagana 16. og 17. október n.k. í Varmahlíð í Skagafirði í boði Hestamannafélagsins Skagfirðings.

Reglur Landssambands hestamannafélaga um sóttvarnir á æfingum og mótum vegna COVID-19 hafa verið samþykktar af sóttvarnaryfirvöldum.