Fréttir: Desember 2009

Opna Gæðingamót Sleipnis fer fram á Brávöllum nú um helgina. I gærkvöld var keppt í tölti og skeiði en í dag fór fram forkeppni í öllum flokkum gæðingakeppninnar og úrslit í tölti.

Þriðja tölublað af Hestar&Hestamenn er komið út. Blaðið er í dagblaðsformi. Í blaðinu eru fréttir og myndir frá FM2009, Íslandsmóti og fleira.

Fákaflug verður haldið dagana 25. og 26. júlí  og hefst klukkan 10.00 á A-flokki gæðinga. Fákaflug verður haldið á Vindheimamelum.  Að vanda verður keppt í gæðingakeppni í sérstakri forkeppni með þrjá inná í einu. 

Samhliða sumarhátíðinni á Hellu dagana 13-16 ágúst nk fer fram opin gæðinga og töltkeppni ásamt kappreiðum. Keppt verður í eftirfarandi greinum, A-flokkur, B-flokkur, Ungmenna, Unglinga og Barnaflokkur 100-150-250 metra skeið, 300 metra stökk, Karlatölt og Kvennatölt. Barna, unglinga og Ungmenna Smali og Bjórreið

Það var glatt á hjalla á Grænhóli á Suðurlandinu í dag hjá þeim Gunnari Arnarssyni og Kristbjörgu Eyvindsdóttur en þangað var íslenska landsliðið mætt ásamt hestakosti sínum, einvaldi, liðsstjórum og liðsmönnum landsliðsnefndar. 

Gæðingamót Sleipnis hefst á morgun föstudag. Mikil skráning er á mótið eða 228 skráningar.

Dýralæknisskoðun hrossanna sem fara fyrir hönd Íslands á Heimsmeistaramót íslenska hestsins mun fara fram í dag, fimmtudaginn 23. júlí, kl.14:00 í Grænhól í Ölfusi hjá þeim hjónum Gunnari Arnarssyni og Kristbjörgu Eyvindsdóttur.

Kynning á íslenska landsliðinu í hestaíþróttum fór fram í gær, þriðjudaginn 21.júlí, í húsakynnum hestavöruverslunarinnar Líflands að Lynghálsi.

Lífland og Landssamband hestamannafélaga hafa staðið fyrir fjáröflun fyrir íslenska landsliðið í hestaíþróttum í formi happdrættis. Útbúnir voru sérstakir bolir sem báru heitið „Leiðin að gullinu“ og á þá var prentað happdrættisnúmer.