Fréttir

Í dag fimmtudag hefst keppnin á Youth Cup á Hólum. Hér má sjá dagskrá mótsins og ráslista.

Frábær dagur er nú að kvöldi kominn. Við skelltum okkur í dagsferð um Skagafjörðinn, við byrjuðum á að heimsækja Varmalæk og horfa á Kunningja frá Varmalæk og þótti hópnum mikið til koma. Magnea sýndi okkur hesthúsið og fleiri gæðinga sem voru heima við.

Sökum anna höfum við ekki náð að senda inn frétt frá degi 4 og því kemur hann núna með degi 5. Nú er allri þjálfun lokið og á morgun verður hestunum gefið frí og krakkarnir fara í heimsókn í Skagafjörðinn.

Dagur 3 gekk mjög vel. Allir þjálfararnir mættu spenntir á staðinn og hófu kennslu kl. 08:00 og kenndu til 18:15. Krakkarnir eru ánægð og hestarnir þreyttir eftir viðburðaríkan dag.

Nú er dagur 2 að kvöldi kominn og gekk hann í alla staði vel. Krakkarnir æfðu sig á hestunum sínum og líður öllum vel og eru að mynda tengsl bæði við hesta og menn.

Nú er fyrsta deginum hér á Hólum lokið og allir krakkarnir komnir með hesta. Óhætt er að segja að spennustigið hafi verið hátt þegar krakkarnir voru að fá hestana í hendur og prufa þá í fyrsta sinn.

Dagana 11. - 20. júlí verður haldið alþjóðlegt æskulýðsmót - FEIF YOUTH CUP - hér á Íslandi. Það er í annað sinn sem mótið er haldið hér. Mótið fer fram á Hólum í Hjaltadal. Mótið er haldið af æskulýðsnefnd LH í samstarfi við æskulýðsnefnd FEIF.

Skrifstofan verður lokuð mánudag og þriðjudag 6. - 7. júlí.

RÚV og Landsmót hestamanna hafa samið um útsendingarrétt af mótinu og mun RÚV senda stóran hluta dagskránnar út beint, auk þess sem valdir liðir verða endursýndir.