Fréttir

Sóttvarnarreglur heilbrigðisráðherra sem taka gildi fimmtudaginn 10. desember leyfa einstaklingsbundnar æfingar afreksíþróttafólks. Það þýðir að keppendur á efsta stigi, meistaraflokksknapar, hafa heimild til að þjálfa í reiðhöllum. Sem fyrr er skipulagt barna- og unglingastarf í íþróttum einnig heimilt. Hvert hestamannafélag ber ábyrgð á og stýrir umferð um sína reiðhöll og eru knapar á meistaraflokksstigi sem vilja fá aðgang að reiðhöllum beðnir um að hafa samband við sitt félag.

Endurnýjaður samningur við Þingvallanefnd um lóðarleigu á Skógarhólum var undirritaður þann 27. nóvember s.l. á Landsþingi LH.

62. Landsþing Landssambands hestamannafélaga 2020 var haldið um helgina 27.-28. nóvember með rafrænum hætti.

62. Landsþing Landssambands hestamannafélaga 2020 var haldið um helgina 27.-28. nóvember með rafrænum hætti. Meðal samþykkta þingsins er áframhaldandi samstarf LH við Horses of Iceland-verkefnið, stöðulisti inn á Íslandsmót fullorðinna og ungmenna, tilmæli um að reglur um gæðingafimi LH verði notaðar til reynslu fram að næsta landsþingi, reglur um...

Á landsþingi LH 2020 var kosið í stjórn

Guðni Halldórsson var kjörinn formaður LH til næstu tveggja ára á Landsþingi LH 2020.

Laugardaginn 21. nóvember skrifuðu fulltrúar Landsmóts ehf., Hestamannafélagssins Skagfirðings og sveitarfélaganna Skagafjarðarbæjar og Akrahrepps undir samning um að landsmót hestamanna árið 2026 verði haldið á Hólum í Hjaltadal. Undirritunin fór fram í ágætu veðri við keppnisvöllinn á Hólum.

Beiðni LH um um opnun reiðhalla var hafnað með vísan til jafnræðissjónarmiða og þess að einu undanþágur sem hafa verið veittar íþróttum er vegna alþjóðlegra viðburða og þá einungins þar sem hægt er að tryggja rakningu með skráningu þátttakenda. Einnig er bent á að 2. desember taki ný reglugerð gildi og gerum við okkur vonir um tilslakanir þá.

Hæfileikamótun LH er fyrir unga og metnaðarfulla knapa sem hafa áhuga á bæta sig og hestinn sinn. Í þjálfuninni er lögð áhersla á að bæta og auka skilning á líkamsbeitingu knapa og samspili knapa og hests ásamt því að farið verður í hugræna þætti eins og markmiðasetningu, sjálfstraust og hugarfar. Hæfileikamótun er góður undirbúningur fyrir knapa sem hafa að markmiði að komast í U-21árs landslið í hestaíþróttum þegar þeir hafa aldur til. Hópar verða starfræktir um um allt land til þess að ungir knapar víðsvegar um landið fái tækifæri til að taka þátt.