Finna má úrslit allra greina frá Landsmótinu á Gaddstaðaflötum 2008 undir slóðinni: http://www.landsmot.is/index.php?pid=366

Við mótsetningu Landsmóts 2008 frumflutti Steinunn Arinbjarnardóttir ljóð eftir föður sinn Arinbjörn Vilhjálmsson. Landsmót ehf. þakkar Arinbirni og Steinunni fyrir þeirra skemmtilega framlag og birtir ljóðið hér í heild sinni.

Lukka frá Stóra-Vatnsskarði stóð efst fyrir hádegi í flokki hryssna 7 vetra og eldri. Hlaut hún 8,84 í aðaleinkunn - 8.46 fyrir sköpulag og 9.1 fyrir kosti. Það var Þórður Þorgeirsson stórknapi sem sýndi Lukku

Fjöldi fólks leitar sér upplýsinga meðan á Landsmóti (LM) stendur og hefur upplýsingasími LM og Landssambands hestamannafélaga (LH) verður opnaður. Síminn er: 841 0011.

Knapar á Landsmóti eru minntir á að mæta með hesta sína í heilbrigðisskoðun í stóðhestahúsinu 2 - 24 klukkustundum fyrir keppni. Þetta gildir um alla hesta í A-flokki, B-flokki, tölti og skeiði.

Valdimar Bergstað og Leiknir frá Vakurstöðum eru efstir eftir forkeppni í flokki ungmenna í dag. Þrjátíu efstu hestar komast í milliriðil sem fram fer á miðvikudag. Þriðji aukastafur réð úrslitum um hverjir kæmust í milliriðil.

Hart var barist í forkeppni í unglingaflokki og hafnaði Sara Sigurbjörnsdóttir í efsta sæti á Hálfmána frá Skrúð, með 8,54 í heildareinkunn. 30 knapar og gæðingar þeirra komast áfram í milliriðil í unglingaflokki.

Elding frá Haukholtum stendur efst í flokki 6 vetra hryssna, alhliða geng undan Hrynjanda frá Hrepphólum. Fjóla frá Kirkjubæ fékk geysiháar hæfileikaeinkunnir, en hún er klárhryssa með 9,5 bæði fyrir tölt og brokk.

Fjöldi sterkra hesta mætir til keppni í B-flokki gæðinga, en forkeppnin fer fram í dag. Athygli vekur að Leiknir frá Vakurstöðum hefur verið dreginn úr keppni. Valdimar Bergstað, knapi hans, ávann sér réttinn til að keppa bæði í B-flokki og ungmennaflokki fyrir Fák og hefur hann ákveðið að einbeita sér að ungmennaflokknum eingöngu með Leikni.

Margar góðar sýningar mátti sjá í forkeppni í barnaflokki á Gaddstaðaflötum í morgun. Birna Ósk Ólafsdóttir á Smyrli frá Stokkhólma var fremst meðal jafningja og stendur efst eftir keppnina í morgun með einkunina 8,58. Niðurstöður eru komnar eftir forkeppni í barnaflokki.