18. febrúar byrja reiðnámskeið fyrir minna/meira vön börn og polla sem haldin verða í reiðhöllinni að Hamraenda 16-18. Kennsla verður á tímabilinu frá kl. 11- 13:30 sex laugardaga í röð. Verð 7.000.- kr.

Grímutölt Sörla verður haldið á laugardaginn kemur þann 11. febrúar að Sörlastöðum í Hafnarfirði kl. 14:00. Allir klárir með búningana?

12.febrúar - Reiðhöllin Víðidal kl.10:00-17:00 - síðasti skráningardagur miðvikudagurinn  8.febrúar 26.febrúar - Svaðastaðahöllin á Sauðárkróki kl.10:00-17:00 - síðasti skráningardagur miðvikudagurinn 22.febrúar Vinsamlegast sendið skráningu á netfangið berglind@init.is

Sigurbjörn Bárðarson verður með fyrirlestur í veislusal Gusts um undirbúning/þjálfun fyrir keppni 14.feb. nk. kl 19:30. Sigurbjörn hefur gríðarlega víðtæka þekkingu og verður án efa mjög fróðlegt að hlusta á meistarann

Næstu fimm vikur verður boðið upp á hestastrætó á þriðjudögum niður í Glaðheima endurgjaldslaust fyrir Gustara.  Farið verður á þriðjudögum frá Kjóavöllum niður í reiðhöllina okkar í Glaðheimum og til baka einum og hálfum tíma síðar.  Strætóbílstjórinn heitir Kjartan er með gsm 867-4333, félagar panta pláss í síðasta lagi á mánudegi hjá Kjartani. Lágmark er þrír hestar annars fellur ferðin niður. Stoppustöðinn er á móts við hús Björgvins dýralæknis að Hamraenda. 

Laugardaginn 3. mars  verður haldið Ís-landsmót á Svínavatni í A-Hún. Keppt  verður í A og B flokki og opnum flokki í tölti.

Hestamannafélagið Fákur boðar til fundar nk. mánudag, 6. febrúar kl. 18:30 í félagsheimili Fáks, um breytingu á álagningu fasteignagjalda á hesthúsum í Reykjavík.

Þá er komið að fyrsta móti Meistaradeildar í hestaíþróttum en það hefst í kvöld klukkan 19:00 í Ölfushöllinni, Ingólfshvoli. Eins og flestir vita átti mótið að fara fram á fimmtudag fyrir viku en var fresta vegna veðurs.

Hestamannafélagið Léttir heldur stórsýninguna Fáka og fjör 2012 þann 14. apríl n.k. í Reiðhöllinni Akureyri.

Eins og undanfarin ár verður sýnt beint frá Meistaradeildinni í Ölfushöllinni í vetur. Fyrsta mótið fer fram nú á fimmtudaginn klukkan 19:00 en þá verður keppt í fjórgangi.