Forkeppni í Tölti T1 hófst í morgun og er Hinrik Bragason á Smyrli frá Hrísum í þriðja sæti eins og stendur með einkunina 8,10.

Johanna Beuk og Merkur von Birkenlund sigruðu A-úrslit ungmenna í fjórgangi fyrir hönd Þýskalands. Íslensku keppendurnir urðu í fjórða og fimmta sæti.

Ísland fékk sitt fyrsta gull þegar Guðmundur Björgvinsson og Fura frá Hellu unnu 6 vetra flokk hryssna.

Forkeppni í slaktaumatölti lauk fyrir stuttu og verma Íslendingar þrjú af fimm efstu sætunum. Jakob Svavar Sigurðsson er í fyrsta sæti með einkunina 8,63, Viðar Ingólfsson náði þriðja sætinu með 7,93 og Eyjólfur Þorsteinsson er fjórði með 7,50.

Á dagskrá í dag á HM í Berlín er forkeppni í T2, A-úrslit ungmenna í fjórgangi og keppni í gæðingaskeiði (PP1).

Hér má sjá öll úrslit úr forkeppnum í fimmgangi og fjórgangi.

Íþróttamót hestamannafélagsins Dreyra verður haldið í Æðarodda, við Akranes dagana 22.-25. ágúst n.k. Hvenær mótið hefst og nánar um dagskrá verður kynnt þegar skráning liggur fyrir.

Forkeppni í F1 hófst rétt fyrir hádegi í dag, Sigursteinn Sumarliðason á Skugga frá Hofi var fyrsti Íslendingurinn í braut og tók forystuna með einkunina 7,30. Hér fyrir neðan má sjá ráslista dagsins.

Að venju verður haldið opið mót hestamanna á Melgerðismelum þriðju helgina í ágúst, nánar tiltekið 17. og 18. ágúst þetta árið. Keppt verður í A- og B-flokki, ungmenna-, unglinga- og barnaflokki og fyrirkomulagið verður þannig að sérstök forkeppni fer fram með þrem keppendum inni á vellinum í einu.

Keppni í fjórgangi hófst í morgun í Berlín en íslensku knaparnir keppa ekki fyrr en eftir hádegishléið eða kl 13:30 að staðartíma. Fyrstur til leiks er ungmennið Gústaf Ágúst Hinriksson en alls á Ísland fimm keppendur í V1. Eins og staðan er nú, eru það Frauke Schenzel á Tígli vom Kronshof sem eru efst á blaði með einkunina 8,17.