Sænskir hestaíþróttadómarar hafa tekið höndum saman og staðið með LH að banna tungubogamél með vogarafli. Dómararnir skora jafnframt á FEIF að taka undir með LH og banna búnaðinn á öllum viðburðum/mótum íslenska hestsins. Þeir sendu formlegt bréf til stjórnar FEIF, sem og sport- og kynbótaleiðtoga samtakanna.

Undirritaður hefur verið samstarfssamningur milli Landssambands hestamannafélaga – LH og Samskipa um stuðning við Landsmót hestamanna sem haldið verður á Hellu 30. júní – 6. júlí í sumar, ásamt stuðningi við Landslið Íslands í hestaíþróttum.

Eins og staðan er í dag, fimmtudag 5. júní er 30. knapi á stöðulista í T1 með einkunnina 7,13. Enn er tími fyrir töltara til að spreyta sig á því að komast inná listann, því endanlegur stöðulisti verður birtur þann 22. júní.

RÚV og Landsmót hestamanna gerðu í dag samkomulag um samstarf varðandi Landsmót hestamanna sem fram fer á Hellu 30.júní til 6.júlí n.k. RÚV mun vera með innslög og fréttaflutning frá mótinu auk þess að sýnt verður beint frá völdum dagskrárliðum.

Æskulýðsnefnd LH heldur alþjóðlegt æskulýðsmót á vegum FEIF á Hólum í sumar, 11. – 20.júlí, þar koma saman 78 keppendur frá aðildalöndum FEIF í þjálfun og keppni. Það vantar tvo hópstjóra (teamleader) til að halda utanum sitthvorn hópinn en krökkunum er skipt í þrettán lið og er hópsstjóri með hverjum hóp.

Sýning í Norræna húsinu: Lifandi hestar verða úti á túni, óður til íslenska hestsins er á sýningunni TÖLT sem opnar kl. 15:00 í Norræna húsinu kl. 15:00 31.maí

Mjög skemmtileg firmakeppni var haldin á Hlíðarholtsvelli á Akureyri í gær. Veðrið lék við keppendur og langþráð útimót loksins haldið. Stemmingin var góð og margir góðir hestar mættu til leiks sem gaman var að fylgjast með.

Skiladagur auglýsinga er 6. júní nk. - Vilt þú auglýsa í mótsskrá Landsmóts hestamanna? Hafðu þá samband við okkur á netfangið landsmot@landsmot.is og við sendum þér verðlista um hæl. Skiladagur auglýsinga í mótsskrána er föstudagurinn 6. júní nk.

Liðsstjóri íslenska landsliðsins sem heldur á NM í Herning í sumar, hann Páll Bragi Hólmarsson, er í óðaönn að taka við umsóknum áhugasamra um þátttöku. Umsóknarfrestur þeirra er hug hafa á að taka þátt er 1. júní.

Á 15. fundi stjórnar Landssambands hestamannafélaga 26. maí 2014 var ákveðið að fara að áskorun yfirdýralæknis um að banna notkun á mélum með tunguboga og vogarafli í keppni.