Nú fyrir stuttu lauk forkeppni í tölti og efstur á blaði trónir heimsmeistarinn Jóhann R Skúlason á Hnokka frá Fellskoti með einkunina 9,20. Glæsilegur árangur og þar með eiga Íslendingar tvo keppendur í A-úrslitum, en Hinrik Bragason endaði í fimmta sæti.

Í gærkvöldi var keppt í gæðingaskeiði og var það Sigurður Marínusson á Atla frá Norður-Hvammi sem hreppti gullið með einkunina 8,54, en þeir félagar kepptu fyrir hönd Hollands.

Forkeppni í Tölti T1 hófst í morgun og er Hinrik Bragason á Smyrli frá Hrísum í þriðja sæti eins og stendur með einkunina 8,10.

Johanna Beuk og Merkur von Birkenlund sigruðu A-úrslit ungmenna í fjórgangi fyrir hönd Þýskalands. Íslensku keppendurnir urðu í fjórða og fimmta sæti.

Ísland fékk sitt fyrsta gull þegar Guðmundur Björgvinsson og Fura frá Hellu unnu 6 vetra flokk hryssna.

Forkeppni í slaktaumatölti lauk fyrir stuttu og verma Íslendingar þrjú af fimm efstu sætunum. Jakob Svavar Sigurðsson er í fyrsta sæti með einkunina 8,63, Viðar Ingólfsson náði þriðja sætinu með 7,93 og Eyjólfur Þorsteinsson er fjórði með 7,50.

Á dagskrá í dag á HM í Berlín er forkeppni í T2, A-úrslit ungmenna í fjórgangi og keppni í gæðingaskeiði (PP1).

Hér má sjá öll úrslit úr forkeppnum í fimmgangi og fjórgangi.

Íþróttamót hestamannafélagsins Dreyra verður haldið í Æðarodda, við Akranes dagana 22.-25. ágúst n.k. Hvenær mótið hefst og nánar um dagskrá verður kynnt þegar skráning liggur fyrir.