07.10.2008
Sigríður Björnsdóttir, dýralæknir hrossasjúkdóma, mun verða með framsögu og svara fyrirspurnum á fundi LH um LM2008 sem haldinn verður í Íþróttamiðstöðinni í Laugardal fimmtudaginn 9. október klukkan fimm síðdegis. Sigríður mun fjalla um heilbrigðisskoðun sýningahrossa á Landsmótum, en dýralæknar hafa séð um það eftirlit síðastliðin þrjú mót. Hún segir að eftirlitið hafi skilað árangri.
07.10.2008
Ég er á þeirri skoðun að hefðbundin tannröspun, eins og hún hefur verið framkvæmd hér á landi til margra ára, sé óþörf og í versta falli skaðleg, segir Sigríður Björnsdóttir, dýralæknir hrossa. Hún bendir hestafólki á að láta fagfólk meðhöndla tannvandamál.
07.10.2008
Um 5% útlendra hrossa eru líkleg til að fá sumarexem og má rekja það til erfða. Allt að 50% íslenskra hrossa sem flutt eru út fá sumarexem. Vonast er til að innan fárra ára verði gerðar tilraunir með bólusetningu á útfluttum íslenskum hrossum.°
07.10.2008
Sigríður Björnsdóttir skrifar pistil á heimasíðu Matvælastofnunar, www.mast.is, um hvers vegna ekki má flytja inn hross og hrossasæði.
07.10.2008
Uppgjör LM2008 verður ekki til umræðu á fundi LH um LM2008 sem haldinn verður í Íþróttamiðstöðinni í Laugardal á fimmtudaginn klukkan fimm síðdegis. Jóna Fanney Friðriksdóttir, framkvæmdastjóri LM2008, segir að endanlegt uppgjör liggi ekki fyrir.
06.10.2008
Mjög torsótt mun reynast að koma hinum aldargamla Kóngsvegi í gagnið sem reiðvegi í upprunalegri mynd. Það hefur reynslan kennt okkur. Vegurinn liggur á köflum um einkalönd. Og þrátt fyrir að ekki megi loka fornum reiðleiðum, lögum samkvæmt, er reynslan sú að sá bókstafur má sín oft lítils þegar til kastanna kemur. Flestir elska friðinn og taka þann kostinn frekar en að troða illsakir við landeigendur.
06.10.2008
Opinn fundur um Landsmót hestamanna 2008 verður haldinn þann 9. október næstkomandi í íþróttamiðstöðinni í Laugardal. Fundurinn hefst klukkan 17:00 og stendur til 18:30. Frummælendur á fundinum verða Jóna Fanney Friðriksdóttir, framkvæmdastjóri LM 2008, Sigurður Ævarsson, mótstjóri LM 2008, og Guðlaugur Antonsson hrossaræktarráðunautur.
03.10.2008
Þeir sem hyggja á hestaferðir um Suðvesturland geta nú skoðað og prentað út afar nákvæmt kort með öllum helstu reiðleiðum á svæðinu. Með því að klikka á hnappinn Reiðvegamál hér til vinstri finnur þú slóð sem vísar á svokallaða kortasjá, sem hýst er á vefnum loftmyndir.is.
03.10.2008
Járningamannafélag Íslands hefur sótt um inngöngu í Landssamband hestamannafélaga. Sigurður Torfi Sigurðsson, formaður félagsins, segir að ekki sé um að ræða umsókn um fulla félagsaðild á sama grundvelli og hestamannafélögin. Heldur aðild á líkum nótum og dómarafélög LH hafa.
02.10.2008
Vilhjálmur Skúlason, varaformaður LH, og Bjarnleifur Bjarnleifsson, formaður landsliðsnefndar LH og formaður Gusts í Kópavogi, fylgdust með heimsmeistarakeppninni í Trec sem fram fór í Frakklandi í september. Þátttaka í henni var liður í samstarfsverkefni LH og landbúnaðarráðuneytisins sem lýtur að því að auka veg íslenska hestsins í Frakkalndi.