Ráslisti Ístöltsins er klár! Knapar eru beðnir um að fara yfir að allar upplýsingar séu réttar og láta skrifstofu LH vita ef svo er ekki. Stemningin fyrir Ístöltinu er að magnast og miðasalan í fullum gangi í hestavöruverslunum höfuðborgarsvæðisins. Þeir sem ekki eiga heimangengt, geta keypt miða með símgreiðslu hjá LH í síma 514 4030.

Ráslisti Ístöltsins á laugardagskvöldið er nú óðum að verða fullmótaður og nokkuð ljóst að áhorfendur verða ekki sviknir af þessari töltveislu sem framundan er.

Námskeiðið hefst föstudaginn 5. apríl kl. 20:00 með fyrirlestri í Skeifunni, Léttishöllinni. Klukkan 10:00 á laugardaginn 6. apríl verður svo tekið til kostanna, þar sem Baldvin leiðbeinir knöpum á þeirra eigin hestum og prufar jafnvel gæðingana.

Hafliði Halldórsson liðsstjóri íslenska landsliðsins í hestaíþróttum kynnir námskeið dagana 6.-7. apríl n.k. fyrir áhugasama vegna þjálfunar og undirbúnings fyrir HM úrtöku. Þjálfarar verða þær Rúna Einarsdóttir og Olil Amble og hefjast námskeiðin kl. 9:00 báða dagana.

FEIF Youth Camp sumarbúðirnar verða haldnar dagana 22. – 29. júlí 2013 í vesturhluta Noregs, milli Álasunds og Moldö. Þetta eru sumarbúðir fyrir hestakrakka á aldrinum 13-17 ára á árinu og markmið þeirra er að kynna krakka frá aðildarlöndum FEIF fyrir (hesta)menningu annara þjóða og að hitta ungt fólk með sama áhugamál.

Páskatölt Dreyra gekk í alla staði vel fyrir sig og fór fram í blíðskaparveðri. Við óskum öllum sem voru í úrslitum til hamingju með árangurinn og þökkum öllum fyrir þátttökuna.

Hið eina sanna KVENNATÖLT fer fram í reiðhöllinni í Víðidal laugardaginn 13. apríl nk. Mótið er opið töltmót fyrir konur, 18 ára og eldri, og boðið er upp á keppni í fjórum styrkleikaflokkum þannig að allir ættu að geta fundið eitthvað við sitt hæfi.