Þriðjudaginn 20. febrúar verður skrifstofa LH lokuð til kl. 13:00 vegna námskeiðsbrölts starfsmanna. Við vonum að þetta komi ekki að sök og minnum á lh@lhhestar.is.

Meistaradeild Líflands og æskunnar hófst í gær með sannkallaðri flugeldasýningu. Hrímnis fjórgangurinn fór fram í TM Reiðhöllinni í Víðidal og má segja að metnaður og prúðmennska hafi einkennt keppnina. Það var virkilega skemmtilegt að sjá uppáklædda knapana sýna sitt prógram á skínandi fínum og pússuðum hestum.

Keppni í slaktaumatölti í Meistaradeild Cintamani hefst í kvöld kl. 19:00 í Samskipahöllinni í Spretti. Húsið opnar kl 17:00 en boðið verður upp á reykta hunangsskinku með brúnuðum kartöflum, hrásalati og rjómalagaðri sósu. Við hvetjum því alla til að mæta snemma í höllina!

Fyrsta mótið í Meistaradeild Líflands og æskunnar fer fram í TM reiðhöllinni í Fáki næstkomandi sunnudag, þann 18. febrúar. Keppt verður í fjórgangi og er keppnin í boði Hrímnis. 48 knapar eru skráðir til leiks og verður afar spennandi að fylgjast með þeim etja kappi.

Næst á dagskrá í Meistaradeild Cintamani er keppni í slaktaumatölti en það er Þórarinn Ragnarsson og Rosi frá Litlu-Brekku sem ríða á vaðið. Margir sterkir hestar eru skráðir til leiks þ.á.m. sigurvegarar fjórgangsins Jakob S. Sigurðsson og Júlía frá Hamarsey en þau urðu einnig íslandsmeistarar í greininni síðasta sumar.

Hin stórkostlega og rótgróna Léttis mótaröð (gamla KEA) hefst þann 16. febrúar 2018. Hér erum við að tala um opna einstaklingskeppni fyrir reynslumeiri knapa til að sýna sig og sanna þar sem stigasöfnun kemur til með að ráða úrslitum í lok deildarinnar.

Fyrstu keppni í Equsana mótaröð Áhugamannadeildar Spretts 2018 fór fram fyrir troðfullu húsi í Samskipahöllinni þegar keppt var í fjórgangi. Kvöldið hófst með setningu deildarinnar þar sem öll lið, þjálfarar og liðseigendur voru kynnt og síðan hófst æsispennandi keppni í frábærri stemningu.

Þá er loks að koma að því. Fyrsta keppnin í Equsana deildinni 2018 – Gamanferða fjórgangurinn - hefst fimmtudaginn 8 febrúar kl. 19:00.

Seinustu liðin sem við kynnum til leiks í Equsana deildinni 2018 eru lið Vagna og Þjónustu, Ölvisholts, Stjörnublikks og Öðlinganna. Samtals keppa 16 lið í mótaröð ársins og þar má sjá mörg lið sem hafa verið með frá upphafi.

Áhugamannadeild Spretts, Equsana deildin 2018, hefst 8. febrúar n.k. og þar með hefst fjórða keppnisárið í þessari frábæru mótaröð. Hér má sjá lið 9-12. Deildin hefst með keppni í fjórgangi fimmtudaginn 8. febrúar kl. 19:00.